ભારત અને યુએઈ વચ્ચેના વેપારને વેગ આપવા તથા બંને દેશોના ઉદ્યોગકારો-નિકાસકારોને માર્ગદર્શન મળી રહે તે હેતુથી DMCCની એક કચેરી ભારતના મુંબઈ ખાતે શરૂ કરવામાંઆવી છે. ફ્લેગશિપ ફ્રી ઝોન અને કોમોડિટી ટ્રેડ તેમજ એન્ટરપ્રાઈઝ માટે ભારત સરકારની દુબઈ ઓથોરિટીએ આ કાર્ય કર્યું છે. આ દુબઈ મલ્ટી કોમોડિટીઝ સેન્ટરનો હેતુ ભારત અને યુએઈ વચ્ચેના વૈપારિક સંબંધોને વધુ મજબૂત બનાવવાનો છે.
આ મુંબઈ સ્થિત DMCC ની નવી કચેરીનું સંચાલન અને નેતૃત્વ ભારતીય ઉદ્યોગ જગતના અગ્રણી સિદ્ધાર્થ શાહ દ્વારા કરવામાં આવશે. સિદ્ધાર્થ IIT-બોમ્બેના ગ્રેજ્યૂએટ છે. તેઓ બેન્કિંગ અને કન્સલ્ટન્સી ક્ષેત્રનો 15 વર્ષ લાંબો અનુભવ ધરાવે છે. મુંબઈ ખાતેની DMCCની ઓફિસ નવો બિઝનેસ શરૂ કરવા માંગતા ભારતીય ઉદ્યોગકારોને તમામ નિયમો તેમજ કંપની રજિસ્ટ્રેશનમાં નડતી સમસ્યાઓનો ઉકેલ આપશે. આ કચેરી ભારતીય બિઝનેસમેનોને સ્પેશ્યિલ ક્યૂરેટેડ લાઈસન્સ પેકેજ ઉપલ્બ્ધ કરાવશે.
DMCCના એક્ઝિક્યુટીવ ચેરમેન અને ચીફ એક્ઝિક્યુટીવ ઓફિસર અહેમદ બિન સુલેમે જણાવ્યું હતું કે, મુંબઈમાં અમારી (DMCC)ની પ્રતિનિધિ કચેરીની શરૂઆત એ ભારત સાથેના અમારા સંબધોને વધુ ગાઢ બનાવવાની અમારી સફરમાં એક મહત્ત્વપૂર્ણ સીમાચિહ્નરૂપ કાર્ય થયું છે. ભારત DMCC માટે મુખ્ય વ્યૂહાત્મક પાર્ટનર છે. અમે દુબઈ અને તેનાથી આગળ ભારતીય બિઝનેસમેનોના વિકાસને સમર્થન આપવા, સહકાર આપવા કટિબદ્ધ છીએ.
યુએઈ અને ભારત વચ્ચેનો દ્વિપક્ષીય વેપાર ઐતિહાસિક સ્તરે પહોંચી ગયો છે, જે યુએઈ-ભારત વ્યાપક આર્થિક ભાગીદારી કરાર (CEPA) ના અમલીકરણ પછીના 11 મહિનામાં 14% વધીને $76.9 બિલિયનને આંબી ગયો છે. DMCCના 3,700 થી વધુ ભારતીય ઉદ્યોગકારો સભ્યો માટે આ કચેરી બંને દેશો વચ્ચે દ્વિપક્ષીય વેપાર અને રોકાણને સરળ બનાવવા માટે કાર્ય કરશે એમ તેમણે વધુમાં જણાવ્યું હતું.
બિન સુલેમે વધુમાં કહ્યું કે, મુંબઈમાં અમારા પ્રતિનિધિ કચેરીનું ઉદઘાટન એ આ સંબંધને ગાઢ બનાવવા માટેનું મુખ્ય પગલું છે. અમારું આ પગલું ભારતમાં અને સમગ્ર ઉપખંડમાં વેપાર પ્રત્યે અમારી ઊંડી પ્રતિબદ્ધતા દર્શાવે છે.
મુંબઈમાં DMCC કચેરીની શરૂઆત મે મહિનામાં થઈ હતી. DMCC પોતાના 3,700 ભારતીય સભ્યના બિઝનેસના વિકાસ માટે કાર્ય કરશે. ભારતમાં ફૅડરેશન ઓફ ઇન્ડિયન ચેમ્બર્સ ઓફ કોમર્સ એન્ડ ઇન્ડસ્ટ્રી (FICCI)ના સહયોગથી યોજાયેલા રોડ શોમાં મુંબઈ, સુરત અને જયપુર જેવા ભારતીય શહેરોને આવરી લેવામાં આવ્યા હતા અને ભારતીય કંપનીઓ માટે આંતરરાષ્ટ્રીય સ્તરે વિસ્તરણ કરવા માટેના પ્લેટફોર્મ તરીકે દુબઈને પ્રકાશિત કરવામાં આવ્યું હતું. મુંબઈ, સુરત અને જયપુરમાં રોડ શો દરમિયાન 500 ભારતીય વ્યવસાયોએ દુબઈના અનોખા વ્યાપારી વાતાવરણ અને આંતરરાષ્ટ્રીય વેપાર હબ તરીકે DMCCની અગ્રણી સ્થિતિ વિશે માહિતી આપી હતી.
સુલેમે વધુમાં કહ્યું કે, અમને વિશ્વાસ છે કે મુંબઈમાં અમારું પ્રતિનિધિ કાર્યાલય શરૂ થવાથી ભારત સાથેના અમારા સંબંધો વધુ મજબૂત થશે અને અમને DMCC તરફ વધુ ભારતીય વ્યવસાયોને આકર્ષવામાં મદદ મળશે.
આ પ્રસંગે પીપી શાહ અને એસોસિએટ્સે જણાવ્યું હતું કે, DMCC સાથેની આ ભાગીદારી દ્વારા અમે બે રાષ્ટ્રો વચ્ચેના અંતરને દૂર કરી શકીશું અને ભારતીય વ્યવસાયોની સફળતાને વધુ સમર્થન આપી શકીશું. DMCC એક અનન્ય ઇકોસિસ્ટમ પ્રદાન કરે છે જે મજબૂત નિયમો અને માળખા દ્વારા આત્મવિશ્વાસ પ્રદાન કરે છે, સ્પર્ધાત્મક ઓફિસ સ્પેસ દ્વારા ખર્ચ લાભો અને સુવિધાઓ અને સેવાઓની શ્રેણી જે ભારતીય ઉદ્યોગસાહસિકો અને મોટી કંપનીઓ માટે વ્યવસાય કરવાની સરળતામાં વધારો કરે છે. અમે આ પ્રમોશનલ પહેલ દ્વારા મોટી સંખ્યામાં ભારતીય વ્યવસાયોના આંતરરાષ્ટ્રીય વિસ્તરણને સરળ બનાવવા તેમજ દુબઈમાં તેમના બિઝનેસના વિકાસ કરવામાં મદદ કરવા માટે ઉત્સુક છે.
DMCC એ વેપાર અને એન્ટરપ્રાઇઝ માટે અગ્રણી વૈશ્વિક હબ છે. ફ્રી ઝોનમાં 200 થી વધુ દેશો અને પ્રદેશોની 28,000 થી વધુ સભ્ય કંપનીઓ છે.
અત્રે ઉલ્લેખનીય છે કે આ અગાઉ આ વર્ષની શરૂઆતમાં, DMCC એ યુએઈ અને દક્ષિણ એશિયા વચ્ચે વૈશ્વિક કૃષિ (કૃષિ) કોમોડિટી સેક્ટરને આગળ વધારવા માટે ભારત સબકોન્ટિનેન્ટ એગ્રી ફાઉન્ડેશન (BSAF) સાથે સમજૂતીના મેમોરેન્ડમ પર હસ્તાક્ષર કર્યા હતા. આ ભાગીદારીનો ઉદ્દેશ્ય વૈશ્વિક કૃષિ કોમોડિટી સેક્ટરના વિકાસને ઉત્તેજીત કરવાનો અને UAE અને ઉપખંડ વચ્ચે કૃષિ વેપાર સંબંધોને મજબૂત કરવાનો, ફૂડટેક અને એગ્રીટેક પ્રોજેક્ટ્સમાં સહયોગની સુવિધા, સંભવિત વ્યાપારી તકોની આપલે, અને પ્રદર્શનો અને પરિષદો દ્વારા જ્ઞાન ટ્રાન્સફરને પ્રોત્સાહન આપવાનો છે.
______________________________________________________
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM
