DIAMOND CITY NEWS, SURAT
દેશના જેમ એન્ડ જ્વેલરી ઈન્ડસ્ટ્રીને હવે ઓથોરાઈઝ્ડ ઈકોનોમિક ઓપરેટરનો દરજ્જો હાંસલ થયો છે. નાણામંત્રાલયના સહયોગથી જીજેઈપીસી દ્વારા કરાયેલા સતત અવિરત પ્રયાસોને આખરે સફળતા મળી છે. ઓથોરાઈઝ્ડ ઈકોનોમિક ઓપરેટરનું સ્ટેટસ હવે જેમ એન્ડ જ્વેલરી સેક્ટર સુધી વિસ્તારવામાં આવ્યું છે.
ઓથોરાઈઝ્ડ ઇકોનોમિક ઓપરેટર એટલે કે AEOના પ્રોગ્રામને વર્ષ 2011માં નોટિફિકેશન નંબર 37/2011 – 23 ઓગસ્ટના રોજ કસ્ટમ ડિપાર્ટમેન્ટ દ્વારા પ્રસ્તુત કરાયો હતો. AEO પ્રોગ્રામ, બિઝનેસ કરવાની વ્યાપક પહેલનો નિર્ણાયક ભાગ છે, જે વિવિધ ક્ષેત્રોમાં નિકાસ કામગીરીને સરળ બનાવવા માટે નિમિત્ત બની રહ્યો છે.
AEOના લીધે નિકાસકારોના સમય અને ખર્ચમાં નોંધપાત્ર બચત થાય છે. જેમ એન્ડ જ્વેલરી સેક્ટરને શરૂઆતમાં AEO પ્રોગ્રામમાં ભાગ લેવાનો ઇનકાર કરવામાં આવ્યો હતો.
જોકે, જીજેઈપીસીએ જેમ એન્ડ જ્વેલરી સેક્ટરને AEOના લાભ મળે તે માટે સતત પ્રયાસો ચાલુ રાખ્યા હતા. વિવિધ સંબંધિત મંત્રાલયો સમક્ષ સતત રજૂઆત કરી હતી. GJEPC એ AEO પ્રોગ્રામમાં જેમ અને જ્વેલરી ઉદ્યોગના સમાવેશ માટે મજબૂત રજૂઆત કરી હતી.
જીજેઈપીસીના પ્રયાસોને આખરે સફળતા સાંપડી છે. નાણા મંત્રાલયે જણાવ્યું છે કે જેમ અને જ્વેલરી ઉદ્યોગના એકમો હવે AEO પ્રોગ્રામમાં ભાગ લેવા માટે અરજી કરવા પાત્ર છે, જેનાથી તેઓ સંબંધિત લાભો મેળવવા માટે સક્ષમ બને છે.
ઉલ્લેખનીય છે કે થોડા સમય પહેલાં જ આ ડેવલપમેન્ટના ભાગરૂપે GJEPC એ અધિકૃત આર્થિક ઓપરેટર (AEO) સ્થિતિ મેળવવા પર ધ્યાન કેન્દ્રિત કરીને માહિતીપ્રદ આઉટરીચ પ્રોગ્રામ હાથ ધર્યો હતો. ભારત ડાયમંડ બુર્સ ખાતે ગઈ તા. 18 માર્ચ, 2024ના રોજ યોજાયેલ તે કાર્યક્રમમાં આંતરરાષ્ટ્રીય વેપાર કામગીરીને વધારવા, સપ્લાય ચેઇન સુરક્ષાને મજબૂત કરવા અને વૈશ્વિક સ્પર્ધાત્મકતામાં સુધારો કરવા આતુર ઉદ્યોગના હિતધારકોને એકસાથે લાવવામાં આવ્યા હતા. તે કાર્યક્રમમાં 20 કંપનીઓએ પહેલાથી જ AEO સ્ટેટસ માટે અરજી કરી હતી. આ અરજીઓના આધારે અત્યાર સુધીમાં એશિયન સ્ટારને AEO સ્ટેટસ આપવામાં આવ્યું છે, જે પ્રમાણપત્ર મેળવનાર ભારતીય રત્ન અને ઝવેરાત ઉદ્યોગમાં પ્રથમ બન્યું છે.
AEO પ્રોગ્રામના કાર્યક્ષેત્ર હેઠળ જેમ્સ અને જ્વેલરી ઉદ્યોગને લાવવા બદલ સરકાર ખાસ કરીને નાણા મંત્રાલયનો જીજેઈપીસીએ આભાર વ્યક્ત કર્યો છે.
______________________________________________________
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp
