DIAMOND CITY NEWS, SURAT
ભાજપ દ્વારા ગુજરાતના રાજ્યસભાના ઉમેદવારોના નામની જાહેરાત કરી દેવામાં આવી છે. ભાજપ દ્વારા ગુજરાતના 4 ઉમેદવારોના નામની જાહેરાત કરાઇ છે. ભાજપ દ્વારા જાહેર કરવામાં આવેલા નામોમાં જે.પી.નડ્ડા, ગોવિંદ ધોળકિયા, મયંક નાયક અને જશવંતસિંહ પરમારનો સમાવેશ થાય છે.
રાજ્યસભાની બેઠકમાં છેલ્લા અઢી દાયકાથી ભાજપનું રાષ્ટ્રીય નેતૃત્વ એક બેઠક રાજ્ય બહારના નેતાને આપે છે. આ પહેલા કેન્દ્રીય વિદેશ મંત્રી એસ. જયશંકર પણ ગુજરાતના રસ્તે રાજ્ય સભામાં ગુજરાતનું પ્રતિનિધિત્વ કરે છે. હવે તેમાં વધુ એક બિન ગુજરાતી તરીકે ભાજપ અધ્યક્ષ જે.પી. નડ્ડાનું નામ ઉમેરાશે.
આ તરફ ગોવિંદ ધોળકિયાના નામની જાહેરાત થતાં સુરતના હીરા ઉદ્યોગમાં પણ ખુશીની લહેર ફેલાઈ ગઈ છે. સુરત ડાયમંડ અગ્રણી દિનેશ નાવડિયાએ કહ્યું, ભારતીય જનતા પાર્ટીને ધન્યવાદ કે એમણે ઉમેદવાર તરીકે ગોવિંદ કાકાની પસંદગી કરી. ડાયમંડ ઈન્ડસ્ટ્રીઝમાં આજે ખુશીનો માહોલ છે. ડાયમંડ ઈન્ડસ્ટ્રીઝને ક્યારેય રાજકીય પ્રતિનિધિત્વ મળ્યું નહોતું. આજે પહેલીવાર હીરા ઉદ્યોગને રાજકીય પ્રતિનિધિત્વ મળ્યું છે.
અમરેલી જિલ્લાના લાઠીના દુધાળાના વતની છે ગોવિંદ ધોળકિયા
ગોવિંદ ધોળકિયા અગ્રણી પાટીદાર ઉદ્યોગપતિ તરીકે ઓળખાય છે. તેઓ સુરતના પ્રખ્યાત હીરા વેપારી છે. તેઓ મૂળ સૌરાષ્ટ્રના અમરેલી જિલ્લાના લાઠીના દુધાળાના વતની છે. તેમણે સૌરાષ્ટ્રમાં જળસંચય માટે નોંધપાત્ર કાર્ય કર્યું છે.
ધોળકિયા નરેન્દ્ર મોદીની નજીકના માનવામાં આવે છે. હીરા ઉદ્યોગમાં રામકૃષ્ણ ડાયમંડ્સના ચેરમેન ગોવિંદ ધોળકિયાએ મૂઠ્ઠી ઊંચેરું નામ ગણાય છે. ડાયમંડ ઈન્ડસ્ટ્રીમાં એમણે આગવી કાર્યપદ્ધતિ અને આધ્યાત્મિક સ્વભાવને લઈ આગવી ઓળખ ઊભી કરી છે.
મૂળ અમરેલીના દૂધાળાના વતની ગોવિંદભાઈએ સાઠના દાયકામાં નાની ઉંમરે હીરા ઘસવાથી કારકિર્દીની શરૂઆત કરી હતી અને સંઘર્ષ કરી તળિયેથી ટોચે પહોંચી હીરાઉદ્યોગમાં ઈતિહાસ રચી દીધો હતો.
ગરીબ ખેડૂત પરિવારમાં જન્મ
ગુજરાતના દુધાળા ગામમાં 7 નવેમ્બર 1947 ના રોજ જન્મેલા ગોવિંદ ધોળકિયાનો ઉછેર નાનકડા ઘરમાં થયો હતો. સાત ભાઈ-બહેનો સાથે ગરીબ કૃષિ પરિવારમાં ઉછરેલા, તેમણે કોઈ વિશેષ વિશેષાધિકારો અથવા ગુણવત્તાયુક્ત શિક્ષણ વિના બાળપણનો અનુભવ કર્યો.
પડકારો હોવા છતાં, ગોવિંદ ધોળકિયાનું બાળપણ સાદગીથી વીત્યું હતું. લોકો વચ્ચે તેઓ પ્રેમથી કાકા તરીકે ઓળખાતા, તે ઉદારતા અને દયાના લક્ષણોને મૂર્તિમંત કરે છે. તેમની સફર 1964 માં 17 વર્ષની ઉંમરે શરૂ થઈ. જ્યારે તેઓ સુરત જવા નીકળ્યા.
તેમની પ્રેરણા માત્ર તેમના પરિવારને ટેકો આપવા માટે જ નહીં, પરંતુ તેમના સપનાને આગળ ધપાવવા, જે અપેક્ષાઓ કરતાં પણ વધુ હતી.
કેવી રીતે શરૂઆત કરી?
ગોવિંદ ધોળકિયા હીરા કાપવાનું અને પોલીશિંગનું કામ કરતા હતા. જો કે, તેમણે બે મિત્રો- વીરજીભાઈ અને ભગવાનભાઈ સાથે સ્વતંત્ર રીતે કામ કરવાનું નક્કી કર્યું. તેથી તેઓએ 10×15 ફૂટનો એક રૂમ દર મહિને 45 રૂપિયામાં ભાડે લીધો અને ત્યાંથી કામ કરવાનું શરૂ કર્યું.
તેઓ જે દેવોની પૂજા કરતા હતા તેના આધારે તેઓએ કંપનીનું નામ રાખ્યું – શ્રી રામકૃષ્ણ (SRK) એક્સપોર્ટ કંપની. તેઓએ હીરાભાઈ વાડીવાલા સાથે વ્યવહાર શરૂ કર્યો, જેઓ રફ હીરાનો વેપાર કરતા હતા.
પોલિશ કર્યા પછી હીરાનું વજન રફના વજનના ઓછામાં ઓછા 28 ટકા હોવું જોઈએ, ધોળકિયાની ટીમે તેને 34 ટકા હાંસલ કર્યું, જે એક અસામાન્ય સિદ્ધિ હતી. આનાથી તેમને તેમની ફેક્ટરીમાં હીરાનું ઉત્પાદન કરવાનો વિચાર આવ્યો. તેથી, આ માટે, તેને રફ હીરાના સીધા સપ્લાયરની જરૂર હતી.
માત્ર 500 રૂપિયા લઈ ધંધો શરૂ કર્યો હતો
એપ્રિલ 1970 માં એક દિવસ ખિસ્સામાં 500 રૂપિયા લઈને ગોવિંદ ધોળકિયા સાઈકલ ચલાવીને રમેશભાઈ શાહની ઑફિસે ગયા અને ત્યાં બેઠેલા તેમના ભાઈ વસંતભાઈને મળ્યા. ધોળકિયાએ કહ્યું, “મારે રફ હીરા ખરીદવા છે.” વસંતભાઈએ હળવેકથી પૂછ્યું, “રોકડ કે ક્રેડિટ પર?” “રોકડ,” ધોળકિયાએ કહ્યું.
જોકે, તે સમયે વસંતભાઈ પાસે હીરા નહોતા, તેમણે ધોળકિયાને કહ્યું કે જ્યારે તેઓ તેમને હીરા મેળવવામાં મદદ કરશે, ત્યારે તેઓ એક ટકા કમિશન વસૂલ કરશે, જે માટે ધોળકિયા ખચકાટ વિના સંમત થયા હતા. ત્યારબાદ તેઓ બાબુભાઈ રીખાવચંદ દોશી અને ભાનુભાઈ ચંદુભાઈ શાહની ઓફિસે ઉતર્યા ગયા.
તેઓએ એક કેરેટની કિંમત રૂ. 91 દર્શાવી હતી, પરંતુ ઓછામાં ઓછી દસ કેરેટની ખરીદી કરવાની હતી. તેનો અર્થ એ કે રૂ. 910 અને રૂ. 10ની દલાલી ઉમેરવાની હતી. જ્યારે ધોળકિયાએ તેમને જાણ કરી કે તેમની પાસે માત્ર 500 રૂપિયા છે, ત્યારે તેઓ તેમના ઘરે પહોંચ્યા પછી બાકીના 410 રૂપિયા ચૂકવવાનું કહ્યું.
જોકે સમસ્યા એ હતી કે ઘરમાં પૈસા નહોતા. ધોળકિયા તક ગુમાવવા માંગતા ન હોવાથી તેમણે પેમેન્ટ કર્યું હતું. ઘરે પહોંચ્યા પછી, તે તેના બે મિત્રો પાસે ગયો અને વસંતભાઈને તેના જીવનનો પ્રથમ વેપાર કરવા માટે 410 રૂપિયા ઉછીના લીધા. ત્યારબાદ તેઓએ રફ હીરાને પોલિશ કરીને 10 ટકાના નફામાં વેંચી દીધા. અને ત્યારથી, પાછું વળીને જોયું નથી.
6000થી વધુ લોકોને આપે છે રોજગારી
માત્ર સાત ચોપડી ભણેલા ગોવિંદભાઈએ આગવી કોઠાસૂઝ અને પ્રામાણિકતાપૂર્વક SRK એમ્પાયર ઊભું કર્યું છે, જેમાં 6000થી વધુ લોકોને રોજગારી મળે છે. તેઓ સામાજિક કાર્યોમાં પણ અગ્રેસર રહ્યા છે. ખાસ કરીને આરોગ્ય સેવામાં એમનું મોટું યોગદાન રહ્યું છે.
એક સફળ ઉદ્યોગપતિની જિંદગી ઝાકમઝોળથી ભરેલી હોય એવી માન્યતાને સાદગીભર્યું સિદ્ધાંતપૂર્વકની આગવી જીવનશૈલી અપનાવી ગોવિંદકાકાએ જીવન જીવવાની ફિલોસોફી એમનાં સામાજિક કાર્યોમાં દર્શાવી છે.
તેમની આ સિદ્ધિને ધ્યાને લઈ અમદાવાદની ઈન્ડ્સ યુનિવર્સિટી દ્વારા એમને માનદ્ પી.એચ.ડી.ની પદવી એનાયત કરવામાં આવી હતી. ડો.ગોવિંદભાઈ ધોળકિયા ભલે ઓછું ભણેલા હશે, પણ એમની કોઠાસૂઝ કોઈપણ કોર્પોરેટને શરમાવે એવા વ્યવસાયી છે.
રામમંદિર માટે ગોવિંદકાકાએ 11 કરોડનું દાન આપેલું
ગોવિંદ ધોળકીયા ડાયમંડ કિંગ તરીકે જાણીતા છે અને લોકો તેમને ગોવિંદ કાકા અથવા ગોવિંદ ભગતના હુલામણા નામથી પણ બોલાવે છે. તેઓ દાનવીર તરીકે પણ જાણીતા છે. ગોવિંદ ધોળકીયા ડાંગમાં 311 હનુમાન મંદિર બનાવી રહ્યા છે. ગોવિંદ ધોળકિયાએ રામ મંદિર માટે 11 કરોડ રૂપિયાનું દાન આપ્યું હતું.
______________________________________________________
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM
