DIAMOND CITY NEWS, SURAT
માર્કેટ એક્સ્પાન્શન મિશનના ભાગરૂપે જીજેઈપીસી (જેમ્સ એન્ડ જ્વેલરી એક્સપોર્ટ પ્રમોશન કાઉન્સિલ)ના પ્રતિનિધિમંડળે તાજેતરમાં પનામાની મુલાકાત લીધી હતી. આ પ્રતિનિધિમંડળે બજારની જરૂરિયાતોનું મૂલ્યાંકન કરવા, વ્યવસાયની નવી તકો ઓળખવા તેમજ ઉદ્યોગ સંગઠનો અને અગ્રણી કંપનીઓ સાથે નેટવર્ક બનાવવાના હેતુથી આ મુલાકાતનું આયોજન કર્યું હતું.
લેટિન અમેરિકા અને કેરેબિયન પ્રદેશના જેમ્સ એન્ડ જ્વેલરી સેક્ટરમાં ભારતની હાજરીને મજબૂત કરવાનો અને આંતરરાષ્ટ્રીય ટ્રેડ ઈવેન્ટ્સમાં વધુને વધુ ભાગીદારીને પ્રોત્સાહિત કરવાનો આ મુલાકાતનો ઉદ્દેશ હતો.
મુલાકાત દરમિયાન પનામા, કોસ્ટા રિકા અને નિકારાગુઆ ખાતેના ભારતીય રાજદૂત ડૉ. સુમિત સેઠે ભારત અને પનામા વચ્ચેના આર્થિક સંબંધોને મજબૂત કરવાના મહત્વ પર ભાર મૂકતાં સભાને સંબોધન કર્યું હતું.
તેમણે વેપાર અને સહયોગ વધારવાના સહિયારા લક્ષ્યોને પ્રકાશિત કર્યા. જેમ્સ અને જ્વેલરી સેક્ટરમાં દ્વિપક્ષીય વેપારને વેગ આપવા માટેના સંયુક્ત પ્રયાસો પર ભાર મૂકતા, GJEPCના સહયોગથી એમ્બેસી દ્વારા આ કાર્યક્રમનું આયોજન કરવામાં આવ્યું હતું.
ત્યારબાદ નેટવર્કિંગ ડિનરનું આયોજન કરવામાં આવ્યું હતું, જ્યાં ભારતીય અને પનામાની કંપનીઓએ વેપાર વધારવાના રસ્તાઓ શોધી કાઢ્યા હતા. આ ઇવેન્ટે પ્રતિનિધિઓને નવા જોડાણો બનાવવા અને અગ્રણી પનામાનિયન કંપનીઓ સાથે સંભવિત સહયોગ અંગે ચર્ચા કરવાની અમૂલ્ય તક પૂરી પાડી હતી.
______________________________________________________
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp
વધુ સમાચાર વાંચો :
