ડાયમન્ડ્સ ડુ ગુડ (DDG)એ આફ્રિકા અને ભારતના છ હીરા ઉત્પાદક દેશોમાંથી 13 સાહસિકોને કુલ 100,000 ડોલરની અનુદાન પ્રાપ્ત કરવા માટે પસંદ કર્યા છે.
DDG એ તેના ત્રીજા વાર્ષિક ઉદ્યોગસાહસિક અનુદાન કાર્યક્રમના ભાગ રૂપે ભંડોળ એનાયત કર્યું હતું, દરેક વ્યક્તિને તેમનો વ્યવસાય વધારવા અને તેમની સામાજિક અસરને સુધારવામાં મદદ કરવા માટે 5,000 ડોલર અને 20,000 ડોલરની વચ્ચે નાણાકીય સહાય પ્રાપ્ત થશે.
બોર્ડના સભ્યો અને સમર્થકોએ લાઇવ ઝૂમ સમારોહમાં અનુદાન વિજેતાઓની જાહેરાત કરી. આ વર્ષના પ્રાપ્તકર્તાઓ બોત્સ્વાના, ભારત, લેસોથો, નામીબિયા, સિએરા લિયોન અને તાંઝાનિયાના હતા. આ છ દેશોમાં લગભગ 90 ટકા નેચરલ ડાયમંડ કટિંગ એન્ડ પોલીશીંગ કરવામાં આવે છે., જે કૃષિ, શિક્ષણ, ઇલેક્ટ્રોનિક્સ અને ઊર્જા સહિતના વિવિધ ઉદ્યોગોને ટેકો આપે છે.
DDGના એક્ઝિક્યુટિવ ડાયરેક્ટર નેન્સી ઓરેમ લાયમેને જણાવ્યું હતું કે, ડાયમન્ડ્સ ડુ ગુડ એવા સમુદાયોમાંથી આવતા ઉદ્યોગસાહસિકોના અમારા સમર્થનને ચાલુ રાખવા માટે રોમાંચિત છે કે જ્યાં કુદરતી હીરાનું ખાણકામ કરવામાં આવે છે, કટિંગ એન્ડ પોલીશીંગ કરવામાં આવે છે અને સુંદર દાગીના બનાવવામાં આવે છે. અમારા ઉદ્યોગસાહસિકતા ગ્રાન્ટ વિજેતાઓ ઉદ્યોગસાહસિક ભાવના અને સકારાત્મક પરિવર્તન લાવવા માટે નવીન વિચારોની શક્તિનું પ્રતીક છે.
13 વિજેતાઓ છે : સલામાતુ કોન્ટેહ, મોંકગોગી મોશાગા, ટ્રેશિયા શિતુલા, મોહમ્મદ કામારા, માત્સેપો સેલો, હબીબ તુરે, મોહમ્મદ સમુ, ઝેફાનિયા ઝાકાયો, ક્રિશ્ચિયન મ્વિજેજ, જેરુસા ડેવિડ કિટોટો, સુમિત ઘોષ, રિસ્ટો કંડેલા અને આયેશા તિજુએઝા.
ડાયમન્ડ્સ ડુ ગુડ એ વૈશ્વિક નો-પ્રોફીટ સંસ્થા છે જેનું ધ્યેય એવા કાર્યક્રમોને સમર્થન આપવાનું છે જે નેચરલ ડાયમંડના સમુદાયોમાં લોકોને વિકાસ અને સશક્તિકરણ કરે છે અને આ હકારાત્મક અસરની વાર્તાઓ શેર કરે છે.
______________________________________________________
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube
વધુ સમાચાર વાંચો :
