અમેરિકાની Diamonds Do Goodએ જાહેરાત કરી છે કે તેના 2022 NextGen એવોર્ડમાંથી ઉદ્યોગના સહયોગ સાથે 3 ખંડોમાંના ડાયમંડ માઇનિંગ અને મેન્યુફેકચરીંગ કોમ્યુનિટીના લાભાર્થીઓ માટે 3 લાખ ડોલર આપવામાં આવ્યા છે.
Diamonds Do Goodએ નોન-પ્રોફીટ ઓર્ગેનાઇઝેશન છે અને તેનું હેડકવાર્ટર અમેરિકામાં આવેલું છે. સંસ્થાનો ધ્યેય એવા કાર્યક્રમોને સમર્થન આપવાનો છે જે નેચરલ ડાયમંડ કોમ્યુનિટીમાં લોકોનો વિકાસ અને સશક્તિકરણનું કામ કરે છે અને પોઝિટિવ સ્ટોરી શેર કરે છે. આ સંસ્થા દુનિયાભરની કોમ્યુનિટી પર ડાયમંડની સકારાત્ક અસરની ઉજવણી કરે છે.
Diamonds Do Goodના પ્રમુખ અન્ના માર્ટિને જણાવ્યું હતું કે, “Diamonds Do Good ઉદ્યોગને એક માત્ર ગ્રાન્ટ આપતી સંસ્થા તરીકે સેવા આપે છે તે તે અનન્ય ભૂમિકાનો પુરાવો છે જે નેચરલ ડાયમંડના સમુદાયોનું પ્રતિનિધિત્વ કરે છે અને ગ્રાહકો રીઅલ સ્ટોરી શેર કરે છે.”
ગ્રાહકોનો વિશ્વાસ અને એક સંદેશો આપવા પાછળનો હેતુ એ છે કે Diamonds Do Goodની ગ્રાન્ટ ગર્લ્સ એજ્યુકેશન, ઉદ્યોગસાહસિકતા, યુથ એમ્પાવરમેન્ટ અને ઉચ્ચ શિક્ષણની તકને સમર્થન આપશે.
આફ્રિકામાં, ફ્લાવિયાના મટાટા ફાઉન્ડેશનના માધ્યમથી તાંઝાનિયામાં ગર્લ્સ એજ્યુકેશનને સમર્થન આપવા અને બોત્સ્વાનામાં સેન્ટેબેલ દ્વારા એચઆઈવીથી પીડિત યુવાનોને સશક્ત બનાવવા માટે અનુદાન આપવામાં આવી રહ્યું છે.
કેનેડાના ઉત્તરપશ્ચિમ પ્રદેશોમાં, માઇન ટ્રેનિંગ સોસાયટી દ્વારા સ્વદેશી સમુદાયોના યુવાનોને હીરા ઉદ્યોગની નોકરીઓ તેમજ ઉદ્યોગસાહસિકતા અભ્યાસ માટે ટેકનિકલ ટ્રેનિંગ સ્કોલરશીપ આપવામાં આવશે.
2023 નેચરલ ડાયમંડ અને જ્વેલરી ઉદ્યોગને લગતા પ્રોજેક્ટ્સ માટે ભારતમાં Diamonds Do Good એન્ટરપ્રિન્યોરશિપ ગ્રાન્ટ્સ પ્રોગ્રામના વિસ્તરણને ચિહ્નિત કરે છે અને પશ્ચિમ ગુજરાતમાં આવેલી વીરાયતનના માધ્યમથી ઉચ્ચ શિક્ષણને સમર્થન આપવાનું ચાલુ રાખશે.
Diamonds Do Goodના એક્ઝિક્યુટિવ ડિરેક્ટર નેન્સી ઓરેમ લાયમેને જણાવ્યું હતું કે, “આ ગ્રાન્ટ એવા સમુદાયો માટે અર્થપૂર્ણ પરિવર્તનને પ્રોત્સાહન આપવામાં મદદ કરશે જ્યાં નેચરલ હીરાનું ખાણકામ, કટ, પોલિશ્ડ અને વેચાણ કરવામાં આવે છે અને ઉદ્યોગના સભ્યોને ગ્રાહકો સાથે શેર કરવા માટે હેતુ આધારિત સંદેશ આપે છે.”
Diamonds Do Good તેના 2023 ગુડ એવોર્ડ્સનું આયોજન 1લી જૂને સાંજે 6 થી 9 વાગ્યા સુધી લાસ વેગાસમાં વેનેટીયન હોટેલ, પેલેઝો બોલરૂમ ખાતે કરશે.
____________________________________________________________
ઈન્ડસ્ટ્રીના લેટેસ્ટ ન્યૂઝ માટે ડાયમંડ સિટી ન્યુઝપેપરના સોશ્યિલ મીડિયા સાથે જોડાઓ
FACEBOOK | TWITTER | TELEGRAM | PINTEREST | LINKEDIN | INSTAGRAM
