DIAMOND CITY NEWS, SURAT
પ્રસિદ્ધ જ્વેલરી એક્સપર્ટ અરુંધતિ ડે-શેઠ દાગીનાઓ પ્રત્યે અદ્દભૂત અને અતૂટ જુસ્સો ધરાવે છે, જે તેમની પ્રસિદ્ધ માતા શોભા ડે અને તેમના સ્પેશ્યિલ જ્વેલરી કલેક્શનથી પ્રેરિત છે. રત્નજડિત ખજાના પ્રત્યે અરુંધતિની પ્રશંસા તેણીને એક સ્પેશ્યિલ જ્વેલરી એક્સપર્ટ બનાવી દીધી છે. જે તેણીની અસાધારણ સૌંદર્ય સંવેદનાને દર્શાવે છે. તેમનું વ્યાપક મિશન અગણિત મહિલાઓ વચ્ચે દાગીના પ્રત્ય જૂનુન જગાવે છે. મહિલાઓને તેમના વ્યક્તિત્વ સાથે મેચ કરતા આભૂષણોને અપનાવવા માટે પ્રોત્સાહિત કરે છે. તેઓ પોતાના ગ્રાહકોને દાગીનાના ટ્રેન્ડ પર ધ્યાન કેન્દ્રિત કરવાથી બચવાની સલાહ આપે છે. તેના બદલે એક વ્યક્તિગત શૈલી વિકસિત કરવાની વકાલત કરે છે, જે તેમના વ્યક્તિત્વને નિખારે છે.
સોલિટેયર ઈન્ટરનેશનલ સાથે એક સ્પષ્ટ વાતચીતમાં અરૂંધતિએ ધ ગિલ્ડેડ એજના હાલમાં જ પૂરા થયેલા છઠ્ઠા સંસ્કરણની સફળતા વિશે વાત કરી. તે એક હાઈ એન્ડ જ્વેલરી બ્યુટીક શો છે જેનું સમજદાર ગ્રાહકો માટે આયોજન કરવામાં આવે છે. આ વિશેષ કાર્યક્રમમાં ભારતના અગ્રણી જ્વેલરી ડિઝાઈનરો અને પ્રતિષ્ઠિત બ્રાન્ડના મુઠ્ઠીભર જ્વેલરી કલેક્શનની એક વિવિધ સિરિઝ પ્રદર્શિત કરવામાં આવી છે. જેમાં પ્રત્યેક જ્વેલરીને આ કાર્યક્રમ માટે અરુંધતિ દ્વારા વ્યક્તિગત રીતે પસંદ કરવામાં આવ્યા છે. આવો હવે અરૂંધતિએ શું કહ્યું તે જાણીએ…
સવાલઃ અમને અમારા સંઘર્ષના દિવસો અંગે જણાવો. અને તે જ કારણ છે કે હાઈ એન્ડ જ્વેલરી કેરિયર તમારા વિકલ્પો પૈકી એક હતું.
જવાબઃ હું હંમેશાથી અવિશ્વસનીય રૂપથી જિજ્ઞાસુ બાળક હતી. મને રમતગતમ અને આઉટડોર એક્ટિવિટીઝ વધુ પસંદ હતી. એક મોટા પરિવારના નાના સભ્યના રૂપમાં મારો ઉછેર થયો છે. હું છ બાળકો પૈકી એક હતી. મારા સમવયસ્ક બાળકોની સરખામણીએ મને ઘણી ચીજવસ્તુઓ પહેલાં મળી ગઈ હતી.
જ્યારે હું નાની હતી ત્યારથી જ રિઅલ જ્વેલરી મને પસંદ હતી. મારી માતાના આદિવાસી ચાંદી અને સુંદર દાગીનાના કલેક્શન પર તરાપ મારવાનો મને શોખ હતો. હું એક માત્ર બાળક હતી જેની પાસે પોતાની કોઈ જ્વેલરી નહોતી. હું ખાસ પ્રસંગોએ શું પહેરી શકું તેમાં રસ લેતી હતી. આ જુસ્સાએ મને ઘણી વાર મુશ્કેલીમાં પણ મુકી છે. મારી માતાના દાગીના કેટલીયાવર મેં ભૂલથી તોડી નાંખ્યા છે.
જ્યારે 2007માં એમબીએનો અભ્યાસ કરવા પેરિસની ઈએસએસઈસીની સ્કૂલમાં મેં એડમિશન લીધું હતું ત્યારે મારો હેતુ સ્પેશ્યિલાઈઝેશન સાથે મારી ડિગ્રી પૂરી કરવાનો હતો. તેથી ભારતીય રિટેલ માર્કેટમાં પ્રવેશતા પહેલાં ઈન્ટરનેશનલ યુરોપીયન ચામડાની વસ્તુઓ અથવા ફેશન બ્રાન્ડ સાથે કામ કરવાનો હતો. પરંતુ મારો કોર્સ પુરો થયા પછી તરત જ મને દુબઈમાં કાર્ટિયર સાથે ઈન્ટર્નશિપની તક મળી હતી અને મારા નસીબે ગજબનો ટર્ન લીધો. ત્યારથી મેં પાછું ફરીને જોયું નથી.
સવાલઃ તમે પ્રતિષ્ઠિત વૈશ્વિક બ્રાન્ડ્સ એલવીએમએચ, કાર્ટીયર, એ જેફ સાથે ઈન્ટર્ન કર્યું છે. જેમાં દરેક એક અલગ ડિઝાઈન અને બ્રાન્ડિંગ ફિલસૂફીને પ્રસ્તુત કરે છે. અમે તમને વર્ષોથી એકત્ર થયેલા સમૃદ્ધ અનુભવમાંથી કેટલાંક ટેક વે શેર કરવા માટે આમંત્રિત કરીએ છીએ.
જવાબઃ બાળપણથી જ વ્યવસાયિક રીતે કામ કરવાથી વ્યક્તિમાં અમુક મુખ્ય ગુણો અને વિશેષતાઓ હોય છે, જે જો તેઓ પોતાનો વ્યવસાય શરૂ કરે અથવા સ્થાનિક સંસ્થામાં કામ કરે તો તેઓ કદાચ પ્રાપ્ત ન કરી શકે. કાર્ટિયર અથવા લુઈસ વીટન જેવા પ્રખ્યાત જ્વેલરી હાઉસ સાથે મેં વારસો, ઈતિહાસ, ચોક્સાઈ અને ગૌરવ વિશે શિક્ષણ મેળવ્યું. આ મેઈસન્સ તેમના તમામ કર્મચારી અને ઈન્ટર્નમાં સમાન રીતે ગર્વની ભાવના જગાડે છે. તમે જે કરી રહ્યા છો તેના વિશે જુસ્સાની લાગણી અનુભવવી આવશ્યક છે, જેથી તમે સમાન ઉત્સાહ સાથે યોગદાન આપી શકો.
વધુમાં ગ્લોબલ કંપનીઓ સાથે કામ કરીને ગુણવત્તા મામલે ઘણું જાણવા મળ્યું. તમે જાણો છો કે ગ્લોબલ કંપનીઓ ક્યારેય ગુણવત્તાના મામલે બાંધછોડ કરતી નથી. તેઓ ગ્રાહકોને ખુશી મળે તે માટે ઉત્પાદન પાછળ ખૂબ સમય વીતાવે છે. ખૂબ ધ્યાન આપે છે. ઉત્પાદન પ્રક્રિયાના દરેક તબક્કે તેઓ ઝીણવટપૂર્વક ધ્યાન આપે છે.
સવાલઃ તમારા જીવનના ટર્નિંગ પોઈન્ટ વિશે અમને કહો. તમે બેસ્પોક જ્વેલરી કન્સલ્ટન્ટ બનવાનું ક્યારે નક્કી કર્યું?
જવાબઃ પ્રામાણિકપણે કહ્યું તો મને અત્યારે એવું લાગી રહ્યું છે કે હવે મારા જીવનનો ટર્નિંગ પોઈન્ટ આવ્યો છે. હું વ્યવસાયિક મોરચે આંતરિક અને બાહ્ય રીતે અનેક પ્રકારના ફેરફાર અનુભવી રહી છું.
મેં ઓગસ્ટ 2018માં ઔપચારિક રીતે મારી બેસ્પોક એજન્સી શરૂ કરી હતી. મેં તાજેતરમાં જ લગ્ન કર્યા અને ટૂંક સમયમાં એક બાળકનો જન્મ થયો હતો. મારું જીવન ખૂબ જ ઝડપથી બદલાઈ ગયું હતું. બાળકના જન્મ બાદ ફરી ડેસ્ક જોબ શરૂ કરવાના વિચારથી મને ડર લાગતો હતો. કારણ કે જોબ મને મારા નવા, નાના પરિવારથી લાંબા સમય સુધી દૂર રાખશે.
તે જ સમયે હું ક્યારેય માતા બનવા અને મારા બાળક સાથે સમય પસાર કરવા અને કામ કરવા અને મારી જાતને વ્યસ્ત રાખવા વચ્ચેની પસંદગી કરવા માટે ગિલ્ટ અનુભવવા માંગતી નહોતી. તે માત્ર આ સરળ કારણ હતું જે મારા માટે કામ કરવા પાછળની પ્રેરણા હતું.
જ્યારે મેં શરૂઆત કરી ત્યારે મને અંદાજ નહોતો કે હું શું કરી રહી છું. કન્સલ્ટિંગ અથવા પર્સનલ શોપિંગ અથવા માત્ર ટ્રેનિંગ. તે એક અદ્ભૂત અસ્પષ્ટતાનો સમય હતો. હું ધીમે ધીમે આગળ વધી અને મજબૂત પાયો બનાવ્યો છે. હું મારી આકાંક્ષાઓને હવે આગલા સ્તર પર લઈ જવા માટે આશાવાદી છું.
સવાલઃ તમારી માતા પ્રખ્યાત લેખિકા અને કટારલેખ શોભા ડે તેમના સારગ્રાહી જ્વેલરી કલેક્શન માટે જાણીતા છે. તમે તેમની જ્વેલરીથી પ્રભાવિત થયા હતા?
જવાબઃ હા, મારી માતા મારા માટે પ્રેરણારૂપ રહ્યા છે. તેમનો મારા પર ખૂબ ઉપકાર રહ્યો છે. હું નાની હતી ત્યારથી જ મને આવી વિવિધ ભારતીય જ્વેલરી તેમની પાસે જોવા મળી હતી. મને અને મારી બહેનોને હંમેશા તમામ તહેવારોની ઉજવણીઓ માટે મારી માતાએ જ્વેલરી પહેરવા માટે પ્રોત્સાહિત કર્યા હતા. માતાએ અમારા જન્મદિવસે જ્વેલરીના નાના નાના પીસ આપી જ્વેલરી પ્રત્યે આકર્ષણ ઉભું કર્યું હતું.
મારી માતાને કોઈ ઘરેણા વારસામાં મળ્યા નહોતા. તેમની પાસે અત્યારે જે છે તે સંપૂર્ણપણે પોતે જ મેળવ્યા છે. તેમની પાસેથી હું સહજતાથી જ્વેલરી ખરીદવાનું શીખી છું. માતા એવા લોકો પાસેથી સારગ્રાહી દાગીના ખરીદયા હતા જેમના પર તેઓ વિશ્વાસ કરતા હતા. તેઓ વધુ સોદાબાઝી કરતા ન હતા. તેઓ ક્યારેય દાગીનાને અલગ અલગ વર્ગમાં વિભાજીત કરતા નહોતા. જો તેમને ગમતું હોય અને તેમને ખબર હોય કે તેઓ તે જ્વેલરી વારંવાર પહેરશે તો જ તેઓ તે જ્વેલરી ખરીદતા હતા.
જ્યારે હું મારી જાતે જ્વેલરી જોઉં છું અને પછી જ ખરીદું છું. આ રીતે હું ઈચ્છું છું કે અન્ય લોકો પ્રશંસા કરે અને પોતાના માટે જવેલરી ખરીદે. તે ખર્ચ બ્રેકઅપ્સ સાથે પૂરતું છે.
સવાલઃ તમે કયા પ્રકારની જ્વેલરીથી પ્રેરિત છો?, તમારી અંગત પસંદ કઈ?
જવાબઃ સાચું કહું તો મને તમામ પ્રકારની જ્વેલરી ગમે છે. ખાસ કરીને આઝાદી પહેલાંના આપણા તમામ રજવાડાઓના દાગીના, મુઘલ યુગની જ્વેલરીનું અદ્દભૂત ઊંડાણ, તે અદ્દભૂત છે.
અને આજે મને જ્વેલરી ગમે છે જે પહેરવા યોગ્ય હોય. તે મૂવેબલ હોય. જ્વેલરી કે જે મહાન સોનાના સ્મિથિંગ અને લેપિડરી દર્શાવે છે. જ્વેલરી કે જેમાં સુઘડ ક્લેપ્સ અને ટેક્નિકલ ડિટેલ હોય. છેલ્લાં કેટલાંક વર્ષોથી મને રેટ્રો યલો ગોલ્ડ અને જેમ સેટ જ્વેલરી વધુ પસંદ પડે છે.
સવાલઃ તમે કેટલાં સમયથી ક્યુરેટેડ જ્વેલરી શોનું આયોજન કરી રહ્યાં છો?, પીસ અથવા જ્વેલરી ડિઝાઈનર પસંદ કરતી વખતે તમે કયા સ્ટાન્ડર્ડ જુઓ છો? ધ ગિલ્ડેડ એજની છઠ્ઠી આવૃત્તિનું ભાડું કેવું હતું?
જવાબઃ મેં 2018માં મારો પહેલો શો રજૂ કર્યો હતો. ધ ગિલ્ડેડ એજ સાથે મારો છઠ્ઠો શો છે.
તે નિયમિત જ્વેલરી પ્રદર્શન નથી. તે અન્ય એક્ઝિબિશન જેવું નતી. આ શો સંપૂર્ણપણે મારા દ્વારા મૂકવામાં આવ્યો છે. પ્રદર્શકોની પસંદગીથી લઈને દરેક એક ભાગ સુધી, તેની કિંમતો પર કામ કરવા, ડિજિટલ કમ્યુનિકેશન અને શોના ડિજિટલ માર્કેટિંગના દરેક પાસાઓને ડિઝાઇન કરવા, ગેલેરીની જગ્યા ડિઝાઇન કરવા, ડિસ્પ્લે બનાવવા અને અંતે ક્લાયન્ટ્સને આમંત્રિત કરવા અને ટુકડાઓનું વેચાણ કરવા સુધી તે બધું હું જ નક્કી કરું છું.
હું મારી જાતને માત્ર એક ક્યુરેટર નથી માનતી. તે શબ્દનો વધુ પડતો ઉપયોગ થાય છે. મને એવું માનવું ગમે છે કે હું મારા એન્યુઅલ શોમાં વેચાણ માટે જ્વેલરીની અદ્ભુત પસંદગી રજૂ કરતી એક ઉત્તમ જ્વેલરી નિષ્ણાત છું.
મને આનંદ છે કે મારી પાસે જ્વેલરી કલાકારો અને પ્રતિષ્ઠિત ગૃહોનું એક નાનું પરંતુ શક્તિશાળી જૂથ છે જેઓ દર વર્ષે આ શોમાં વિશ્વાસ રાખે છે. આ શોમાં ભાગ લેવા માટે ઘણી બધી નવી કંપનીઓ દર વર્ષે મારો સંપર્ક કરે છે, પરંતુ અમારા બજારમાં મોટાભાગે અસ્તિત્વમાં રહેલા કામના સામાન્ય સ્વભાવથી હું નિરાશ છું.
સવાલઃ અમને પાંચ ટોચના જ્વેલરી ડિઝાઈનર્સ વિશે કહો જેમની શૈલી તમારા સૌંદર્ય શાસ્ત્ર સાથે મેળ ખાતી હોય?
જવાબઃ હું જે બ્રાન્ડ સાથે કામ કરું છું તે તમામ બ્રાન્ડસ મારા સૌંદર્ય શાસ્ત્રને અનુરૂપ છે. હું શોમાં એક પણ કેટેગરીમાં એવી જ્વેલરી મુકતી નથી જે મને અંગત રીતે ગમતી ન હોય.
સવાલઃ તમે જ્વેલરી સાથે ગ્રાહકની જરૂરિયાત, વ્યક્તિત્વને કેવી રીતે જોડો છો ? ક્લાયન્ટ માટે જ્વેલરી કલેક્શનને એક સાથે મુકવામાં તમને કયા પડકારોનો સામનો કરવો પડે છે? બેસ્પોક જ્વેલરી કન્સલ્ટન્ટની ભૂમિકાને વ્યાખ્યાતિત કરો અને તે શ્રેષ્ઠમાંથી એક બનવા માટે શું લે છે, જેમ તમે કરો છો?
જવાબઃ ભારતમાં જ્વેલરી સેલ્સ કન્સલ્ટન્ટ હોવાનો મૂળભૂત પડકાર એ છે કે વિચાર અથવા સલાહ આપવા માટે ખૂબ જ ઓછું મૂલ્ય મળે છે. જ્વેલરી સાથે ખરીદીની સ્ટાઈલ એટલી ચોક્કસ છે કે લોકો તેની પાછળ સર્વિસ માટે ચૂકવણી કરવા માંગતા નથી. બધા સલાહ માંગે છે પરંતુ ઓછી કિમતે.
સવાલઃ મેં દરેક બેસ્પોક પ્રોજેક્ટના નિર્માણમાં પ્રામાણિકતા દાખવી છે. મારા સુધી પહોંચેલા તમામ કલાયન્ટના હાથમાં શ્રેષ્ઠ જ્વેલરી પહોંચાડવાનો પ્રયત્ન કર્યો છે. હું ક્યારેય વેચાણના ટાર્ગેટ પુરા કરવા માટે કોઈ દબાણ અનુભવતી નથી. ક્લાયન્ટ દ્વારા સમજાવવામાં આવેલી ટૂંકી વિગતો, પસંદગીઓ અંગે હું ખૂબ વિચારશીલ રહું છું, જેથી તેઓ સુધી ઉત્તમ જ્વેલરી પહોંચાડી શકું.
મને લાગે છે કે જેમ એન્ડ જ્વેલરીના વેપારમાં બહારના વ્યક્તિ હોવાનો મને ખૂબ ફાયદો મળ્યો છે. હું એવી વ્યક્તિ છું જેની ઉપર કોઈ વારસાનો ભાર નથી. ગ્રાહકો કેવા દાગીના ખરીદે અને પહેરે તે માટે મારી પાસે અલગ દ્રષ્ટિકોણ છે.
સવાલઃ રત્નોનું ટકાઉપણું અને તેની ઉત્તપત્તિ એ અવંત-ગાર્ડે પીસના વેચાણને નિર્ધારિત કરવાના મુખ્ય પરિબળો પૈકીનું એક છે. શું ભારતીય ગ્રાહકો વ્યાજબી વેપાર ખાણકામ અને રત્નોની ઉત્પત્તિની શોધ ક્યાંથી થઈ તે અંગે કોઈ ખુલાસા પૂછે છે?
જવાબઃ ભારતીય અને આંતરરાષ્ટ્રીય ગ્રાહકો રત્નોની ઉત્પત્તિ વિશે જાણવા ઉત્સુક છે. મને ગ્રાહકો તરફથી અવારનવાર પૂછવામાં આવતા કેટલાંક પ્રશ્નો એ છે કે આ એમરલ્ડ ક્યાંથી મળ્યો છે?, આ માણેકના મૂળ ક્યાંના છે?, લેબમાં ઉત્પાદિત હીરા વિશે તમારા મંતવ્ય જણાવો… આવા સવાલો અવારનવાર પૂછાતા રહે છે.
સવાલઃ આજના ગ્રાહક ડિઝાઈનના સંદર્ભમાં શું જોઈ રહ્યાં છે?
જવાબઃ આજે ગ્રાહકો તેમના વ્યક્તિત્વ સાથે પડઘો પાડતી જ્વેલરી શોધે છે. જ્યારે સ્ટોન પહેરે છે ત્યારે તે પહેરનાર વિશે કંઈક અભિવ્યક્ત કરે છે, જેટલું તે એક સુંદર વસ્તુ છે.
સવાલઃ શું તમને હીરા કે રંગીન રત્નો ગમે છે?
જવાબઃ મને હીરા વધુ ગમે છે. મને રંગીન પત્થરો પણ ગમે છે.
સવાલઃ એવી કઈ પાંચ જ્વેલરી છે જે દરેક સ્ત્રી પાસે હોવી જોઈએ?
જવાબઃ આ પાંચ જ્વેલરી દરેક સ્ત્રી પાસે હોવી જોઈએ. જેમાં કાનની હીરાની બુટ્ટી, ડાન્સ અને અન્ય ખાસ મસ્તીભરી નાઈટ ઈવેન્ટ્સ માટે કાનની લાંબી બુટ્ટીઓની એક સુંદર જોડી જે વજનમાં હલકી હોય. ત્રીજી હેરિટેજ ભારતીય જ્વેલરીનો એક ભાગ છે તેથી તમારા સંસ્કૃતિના મૂળિયા સાથે જોડાયેલી જ્વેલરી હોવી જોઈએ. આ ઉપરાંત એક ઈન્ટરેસ્ટિંગ રિંગ જે તમે આખો દિવસ પહેરી શકો તેમજ એક ગળાનો હાર જે તમે તહેવારોમાં પહેરી શકો.
સવાલઃ બીજું કંઈપણ તમે ઉમેરવા માંગો છો?
જવાબઃ હું ટુંક સમયમં www.arundhatidesheth.com પર ઈ કોમર્સ શરૂ કરીશ.
તે કેટલાંક એક ઓપ ઝવેરાત અને કેટલાંક ટુકડાઓનું અદ્દભૂત મિશ્રમ હશે જે ઓર્ડર પુનરાવર્તિત કરી શકાય છે. હું તેના વિશે ખૂબ જ ઉત્સાહિત છું. મને વસ્તુઓ ખરીદવાના સ્પર્શ અનુભતિના પાસા ગમે છે. ગ્રાહકો વસ્તુઓ ઓનલાઈન ખરીદવમાં ખૂબ જ આરામદાયક છે. વિશ્વભરમાં ફેલાયેલા ગ્રાહકો સાથે મારા કાર્યને સરહદોની બહાર લઈ જવાનું સારું રહેશે.
વધુમાં મેં મારી કંપનીને જ્વેલરી એડવાઈઝરથી લઈને જ્વેલરી કન્ફ્લુઅન્સ સુધીનું રિબ્રાન્ડ કરી છે. સલાહકારનું પાસું હું જે કંઈ કરું છું તેનો એક ભાગ હશે.
Disclaimer : This information has been collected through secondary research and Diamond City Newspaper is not responsible for any errors in the same.
______________________________________________________
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM
