GJEPC અને કોમર્સ સેક્રેટરી સુનિલ બર્થવાલ તાજેતરમાં નવી દિલ્હીમાં ભારતીય જેમ્સ અને જ્વેલરી ઉદ્યોગની વર્તમાન પરિસ્થિતિને સંબોધવા માટે એક મહત્વપૂર્ણ બેઠક બોલાવવામાં આવી હતી. જેમાં GJEPCના ચૅરમૅન વિપુલ શાહ, GJEPCના એક્ઝિક્યુટિવ ડાયરેક્ટર સબ્યસાચી રેની હાજરીમાં આ ક્ષેત્રને અસર કરતા ઘણા મહત્વપૂર્ણ મુદ્દાઓ પર ધ્યાન કેન્દ્રિત કરવામાં આવ્યું હતું.
આ મુદ્દાઓ પર ચર્ચા કરવામાં આવી હતી
વૈશ્વિક અને સ્થાનિક પરિબળો : આ બેઠકમાં નિકાસ અને સમગ્ર ભારતીય હીરા ઉદ્યોગને અસર કરતા વૈશ્વિક અને સ્થાનિક પરિબળો દ્વારા ઊભા થયેલા પડકારો પર પ્રકાશ પાડવામાં આવ્યો હતો.
ધિરાણ મુદ્દાઓ : વિદેશમાં માંગમાં મંદીના કારણે ઉદ્યોગમાં નોંધપાત્ર ધિરાણ સમસ્યાઓ ઊભી થઈ છે, જે તેના નાણાકીય સ્વાસ્થ્યને અસર કરે છે.
ડાયમંડ પ્રમોશન : વર્તમાન મંદીને ઘટાડવામાં મદદ કરવા ભારત સહિત સમગ્ર વિશ્વમાં હીરાના મજબૂત અને આક્રમક પ્રમોશનની જરૂર છે.
ગ્રાહક કાયદો : ગ્રાહક કલ્યાણ માટે રિટેલ સ્તરે નેચરલ અને લેબગ્રોન ડાયમંડ વચ્ચે તફાવત કરવા માટે યુનાઇટેડ સ્ટેટ્સમાં લાગુ કરાયેલા ગ્રાહક કાયદાનો ભારતમાં સ્વીકાર કરવામાં આવે
સોનાની ઉપલબ્ધતા : સોનાની ઉપલબ્ધતા, ખાસ કરીને માઇક્રો, સ્મોલ અને મીડિયમ ઉદ્યોગો (MSME)માં, એક ગંભીર મુદ્દો હતો. બેંકો દ્વારા નોમિનેટેડ એજન્સીઓના બોન્ડ જારી ન કરવા પણ ચિંતાનો વિષય હતો.
ટેરિફ પ્રાઇસ અને ડ્યુટી ડ્રોબેક સ્કીમ : પ્લૅટિનમ માટે ટેરિફ પ્રાઇસ અને ડ્યુટી ડ્રોબેક સ્કીમની રજૂઆત ઉદ્યોગને ટેકો આપવા માટે કરવામાં આવી હતી.
બેંકિંગ સમિટ : ઉદ્યોગ માટે વિશ્વાસ-નિર્માણના પગલાં તરીકે બેંકિંગ સમિટનું આયોજન કરવા માટે સમર્થન માંગવામાં આવ્યું હતું.
જ્વેલરી પાર્ક : ચર્ચામાં સેક્ટરને વધુ પ્રોત્સાહન આપવા માટે જ્વેલરી પાર્ક માટે સમર્થન સામેલ હતું.
મીટિંગ દરમિયાન કોમર્સ સેક્રેટરી સુનિલ બર્થવાલને મુંબઈમાં આગામી 8 થી 13 ઓગસ્ટ 2024 દરમિયાન યોજાનારા IIJS પ્રિમિયરમાં નિકાસકારોની મીટને સંબોધવા માટે આમંત્રણ આપવામાં આવ્યું હતું.
______________________________________________________
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube
