DIAMOND CITY NEWS, SURAT
સોનાના દાગીના પર ફરજિયાત હોલમાર્કિંગના નિયમો લાગુ કર્યા બાદ સરકાર દ્વારા દેશના નાના જિલ્લાઓ સુધી હોલમાર્કિંગ સુવિધાઓ વિસ્તારવામાં આવી છે. એપ્રિલ 2023 થી નવેમ્બર 2023ના સમયગાળામાં કેન્દ્ર સરકારના ડિપાર્ટમેન્ટ ઓફ કન્ઝ્યુમર અફેર્સ દ્વારા 343 જિલ્લાઓ હોલમાર્કિંગ સેન્ટરની સેવા વિસ્તારવામાં આવી છે.
આ જિલ્લાઓમાં ઓછામાં ઓછા એક એસેઈંગ એન્ડ હોલમાર્કિંગ સેન્ટર ઉપલબ્ધ કરાવાયા છે. આ પગલાંનો હેતુ સોનાના દાગીનાની ગુણવત્તા અને શુદ્ધતાને સુનિશ્ચિત કરવાનો અને ગ્રાહકોના હિતોનું રક્ષણ કરવાનો છે.
કન્ઝ્યમુર અફેર્સ ડિપાર્ટમેન્ટ દ્વારા હોલમાર્કિંગ રજિસ્ટ્રેશનની સંખ્યા 1,60,866થી વધીને 1,84,296 થઈ છે, જ્યારે બીઆઈએસ માન્યતા પ્રાપ્ત એએચસીની સંખ્યા એપ્રિલ 2023થી 1403 થી વધીને 1499 થઈ છે. આ જ સમયગાળા દરમિયાન 10.39 કરોડ સોના અને ચાંદીના આભૂષણો હોલમાર્ક કરવામાં આવ્યા છે.
ડિપાર્ટમેન્ટ ઓફ કન્ઝ્યુમર અફેર્સ દ્વારા જાહેર કરાયા અનુસાર એએચસીએસ પર એસેઈંગ અને હોલમાર્કિંગ પ્રક્રિયાના ઓટોમેશન માટે નવી ઓનલાઈન સિસ્ટમ જુલાઈ 2021થી કાર્યરત કરવામાં આવી હતી, જેમાં છ અંકના હોલમાર્કિંગ યુનિક આઈડીનો સમાવેશ થાય છે. એચયુઆઈસી આધારિત સિસ્ટમ શરૂઆતથી 25 નવેમ્બર 2023 સુધીમાં સોનાના દાગીના અને કલાકૃતિઓના 30.54 કરોડ આર્ટિકલ હોલમાર્ક કરવામાં આવ્યા છે.
સરકારે ઑક્ટોબર 2015 થી IS 1417:2016 મુજબ 999 અને 995 ની સૂક્ષ્મતામાં ગોલ્ડ બુલિયનના હોલમાર્કિંગની પણ મંજૂરી આપી છે. અત્યાર સુધીમાં, સોનાના બુલિયન અને સિક્કા માટે રિફાઇનરીઓ અને ભારત સરકારની ટંકશાળને 50 લાઈસન્સ આપવામાં આવ્યા છે.
સરકારે નવેમ્બર 2015માં ગોલ્ડ મોનેટાઇઝેશન સ્કીમ પણ શરૂ કરી છે, જે હેઠળ 48 AHC અને એક ઝવેરી કલેક્શન એન્ડ પ્યુરિટી ટેસ્ટિંગ સેન્ટર્સ (CPTC) તરીકે કામ કરવા માટે લાયક બન્યા છે.
કન્ઝ્યમુર અફેર્સ ડિપાર્ટમેન્ટે એ કહ્યું કે તેણે ત્રણ એએચસીને ખામીયુક્ત સ્થાનો પર કેન્દ્ર સ્થાપવા માટે કેન્દ્રીય સહાય પણ પૂરી પાડી છે, અને હોલમાર્કિંગ માટેની યોજના યોજના હેઠળ બીઆઈએસ અધિકારીઓ માટે એક તાલીમ કાર્યક્રમ હાથ ધર્યો છે.
Disclaimer : This information has been collected through secondary research and Diamond City Newspaper is not responsible for any errors in the same.
______________________________________________________
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM
