DIAMOND CITY NEWS, SURAT
આંતરરાષ્ટ્રીય નોન પ્રોફિટ પ્યોર અર્થ, વૈશ્વિક ઝેરી પ્રદૂષણને સંબોધવામાં અગ્રણી, 16 ઑક્ટોબરના રોજ ન્યુ યોર્ક સિટીમાં પ્યોર અર્થ બેનિફિટ ખાતે એક સમારોહમાં જ્વેલરી ઉદ્યોગના નેતા આઇરિસ વાન ડેર વેકનને 2023 પ્યોર અર્થ ઇમ્પેક્ટ એવોર્ડથી સન્માનિત કરશે. પ્યોર અર્થ ઇમ્પેક્ટ પુરસ્કાર દર વર્ષે એવી વ્યક્તિઓને આપવામાં આવે છે છે જે પીપલ અને પ્લેનેટનુ રક્ષણ કરે છે અને જેમના યોગદાનને કારણે વૈશ્વિક મુદ્દાઓ પર અસાધારણ અસર થઈ છે. એવોર્ડ મેળવનારા આ વિશ્વમાં સકારાત્મક પરિવર્તન લાવવા માટે પગલાં લેનારા તમામ લોકો માટે પ્રેરણાદાયી ઉદાહરણ તરીકે સેવા આપે છે.
આઇરિસ વેન ડેર વેકેનને બે દાયકામાં તેમના અસાધારણ નેતૃત્વ, ટકાઉપણું પ્રત્યેની તેમની લાંબા ગાળાની પ્રતિબદ્ધતા, તેમણે ગ્રાઉન્ડ લેવલ પર વિકસાવેલી સફળ ભાગીદારી અને માનવ અધિકાર અને જેન્ડર પરની તેમની મજબૂત સક્રિયતા માટે 2023 પ્યોર અર્થ ઇમ્પેક્ટ એવોર્ડથી સન્માનિત કરવામાં આવી રહ્યા છે.
પ્યોર અર્થના ફાઉન્ડર અને પ્રેસિડન્ટ રીચાર્ડ ફુલરે તેમની વાત શેર કરી હતી. તેમણે કહ્યુ કે,આઇરિસે ESG રિપોર્ટિંગની પહેલ કરી છે, બેલ્જિયમ માટે યુએન ગ્લોબલ કોમ્પેક્ટ નેટવર્ક શરૂ કર્યું છે અને તે જવાબદાર જ્વેલરી કાઉન્સિલનું સફળતાપૂર્વક નેતૃત્વ કરનાર પ્રથમ મહિલા છે. વોચ એન્ડ જ્વેલરી ઇનિશિયેટિવ 2030માં જીનીવા સ્થિત તેણીની નવી ભૂમિકામાં, તેણી ફરીથી 2030 એજન્ડાને મલ્ટી સ્ટેક હોલ્ડક અભિગમ અને યુએન ગ્લોબલ કોમ્પેક્ટ, યુએન વુમન અને ESG બુક સાથે મજબૂત ભાગીદારી દ્વારા આગળ ધપાવી રહી છે. તે ખરેખર એક ચેન્જ એજન્ટ છે, અને તેણે એક ચળવળને જન્મ આપ્યો છે જે માત્ર પર્યાવરણનું જ નહીં પરંતુ ઘડિયાળ અને જ્વેલરી સપ્લાય ચેઇનમાં કામ કરતા ઘણા લોકોના જીવનનું પણ રક્ષણ કરશે.
આઇરિસ વાન ડેર વેકને કહ્યું કે, પ્યોર અર્થ તરફથી આ ઈમ્પેક્ટ એવોર્ડ મેળવવા બદલ હું ખૂબ જ સન્માનિત હોવાનો અનુભવ કરુ છું. જ્વેલરી ઉદ્યોગ એ સોલ્યુશનનો એક મહત્વપૂર્ણ ભાગ છે અને પ્યોર અર્થ નુકશાનપામેલી જમીનોના પુનઃવનીકરણ સહિત જવાબદાર, મરક્યુરી ફ્રી સોનાની ખાણકામ પદ્ધતિઓને સમર્થન આપીને વૈશ્વિક પારા (મરક્યુરી)ના ઉત્સર્જનને ઘટાડવા માટે કામ કરી રહી છે. કોઈ પાછળ ન રહી જાય તે સુનિશ્ચિત કરવાની આપણા સૌની સહિયારી જવાબદારી છે. સસ્ટેનિબિલીટી એક જર્ની છે અને ગ્રાઉન્ડ લેવલ પર સકારાત્મક અસર ઊભી કરવા માટે CEO તરફથી નેતૃત્વ અને સપ્લાય ચેઇનમાં દરેકની સામેલગીરીની જરૂર છે. આઇરિસે કહ્યું કે, તે સરળ નથી અને સખત મહેનત અને પ્રતિબદ્ધતાની જરૂર છે. હું આ પુરસ્કાર અમારા ઉદ્યોગમાં દરેકને સમર્પિત કરવા માંગુ છું, ખાણકામથી માંડીને રિટેલ સુધી, જેઓ 2030 એજન્ડાને આગળ ધપાવવા માંગે છે.
આઇરિસ વેન ડેર વેકેન હાલમાં વોચ એન્ડ જ્વેલરી ઇનિશિયેટિવ 2030 (WJI 2030)ના એક્ઝિક્યુટિવ ડિરેક્ટર છે. કેરિંગ અને કાર્ટિયર દ્વારા સ્થપાયેલ, WJI 2030 યુનાઈટેડ નેશન્સ ગ્લોબલ કોમ્પેક્ટના દસ સિદ્ધાંતો અને 17 સસ્ટેનેબલ ડેવલપમેન્ટ લક્ષ્યો દ્વારા માર્ગદર્શન આપે છે. WJI 2030 ત્રણ મુખ્ય સ્તંભો પર અર્થપૂર્ણ તફાવત લાવવા માટે તમામ ઘડિયાળ અને જ્વેલરી ખેલાડીઓના CEO અને નિર્ણય લેનારાઓને એકસાથે લાવે છે, જે ત્રણ મુખ્ય સ્તંભો પર અર્થપૂર્ણ તફાવત લાવે છે: ક્લાયમેટ રેઝીલયન્સ (આબોહવા સ્થિતિસ્થાપકતા) સંસાધનોની જાળવણી અને સર્વસમાવેશકતા. તેના સભ્યો મલ્ટિ-સ્ટેકહોલ્ડર ઇકોસિસ્ટમમાં બિઝનેસ અને સસ્ટેનિબિલીટી પર વૈશ્વિક નિષ્ણાતો સાથે જોડાય છે. આ કાર્ય વૈશ્વિક જ્વેલરી અને ઘડિયાળ ઉદ્યોગ અને મોટા પાયે સમાજને નક્કર અને નોંધપાત્ર અસર પહોંચાડવા પર કેન્દ્રિત છે. સતત વિકસતા ગ્રાહક અને નિયમનકારી લેન્ડસ્કેપમાં, WJI 2030 તેના સભ્યોને હેતુ, પારદર્શિતા અને નોંધપાત્ર પ્રગતિ માટે વિશ્વાસ કેળવવા માર્ગદર્શન આપે છે.
Disclaimer : This information has been collected through secondary research and Diamond City Newspaper is not responsible for any errors in the same.
______________________________________________________
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM
