ધ કીપર ઓફ ધ હોપ ડાયમંડનું બિનસત્તાવાર રીતે ઉપનામ મેળવનાર પોસ્ટની ચાર દાયકા લાંબી સ્મીથસોનિયન ખાતેની કારકિર્દીનો હવે અંત આવ્યો છે. તે હવે નિવૃત્તિ લઈ રહ્યાં છે. ચાર દાયકા લાંબી કારકિર્દી દરમિયાન પોસ્ટે અનેક સિદ્ધીઓ હાંસલ કરી હતી.
પોસ્ટ 1984માં હાર્વડ યુનિવર્સિટીમાંથી પોસ્ટ ગ્રેડ થયા હતા. જ્યારે તેમને ખબર પડી કે ડીસીમાં સ્મીથસોનિયન ખાતે ખનિજ શાસ્ત્રના ક્ષેત્રે રિસર્ચની જોબ માટે વેકેન્સી પડી છે, ત્યારે તેઓ એ જાણતા નહોતા કે આ ક્ષેત્રમાં શું અપેક્ષા રાખવી. ઈન્ટરવ્યૂ પ્રક્રિયા દરમિયાન તેમને ખબર પડી કે આ ક્ષેત્રમાં કામ કરનારા દરેક વ્યક્તિ પોતાના કામને પસંદ કરે છે. તેમણે એક કલેક્શન પર પણ નજર નાંખી હતી. જેમાં 375,000 ખનિજ અને 10,0000 સ્ટોન સામેલ હતા. આ એક એવી તક હતી જેને તેઓ જવા દેવા માંગતા નહોતા અને સાત વર્ષમાં જ તેઓ મુખ્ય ક્યુરેટર તરીકે પ્રમોશન પામ્યા હતા.
સમય જતા તેમને ધ કીપર ઓફ ધ હોપ ડાયમંડ તરીકેનું બિનસત્તાવાર ઉપનામ મળ્યું હતું. 45 કેરેટના બ્લ્યુ ડાયમંડ જે નેશનલ જેમ કલેક્શનનો અદ્દભૂત અનન્ય રત્ન હતો. દર વર્ષે લગભગ ચાર મિલિયન વિઝીટર્સ નેશનલ મ્યુઝિયમ ઓફ નેચરલ હિસ્ટ્રીમાં જોવા આવતા હતા. જેમાંથી મોટા ભાગના સૌથી પ્રસિદ્ધ હીરાના એક્ઝિબિશનને જોવા પ્રયાસ કરતા હતા.
જોકે, હોપ ડાયમંડને અભિશ્રાપ મળ્યો હતો કે તે જેની પાસે હોય તે પ્રતિષ્ઠા ગુમાવે છે. જોકે, પોસ્ટ માને છે કે સ્મીથ સોનિયનમાં હોપ ડાયમંડ રહ્યો તે સમયગાળા દરમિયાન માન્યતાથી વિપરિત સ્થિતિ હતી.
મને એવું વિચારવું ગમે છે તે અમારા માટે લકી રહ્યો છે એમ પોસ્ટે એક ઈન્ટરવ્યુમાં જણાવ્યું હતું. પોસ્ટે વધુમાં કહ્યું કે તમે જાણો છો જ્યારે તે હોપ ડાયમંડ આવ્યો છે ખરેખર વિઝિટર્સની સંખ્યા વધી છે. અમને તે ડાયમંડને જોવાની ઈચ્છા ધરાવતા ઘણા લોકો મળે છે અને તેથી હું કહીશ કે તે અમારા માટે લકી રહ્યો છે. તમે જાણો છો અહીં મ્યુઝીયમમાં અમારો કાર્યક્રમ બનાવવાનો તે ખરેખર મહત્ત્વનો ભાગ રહ્યો છે.
ડીસીની મિનરલોજિકલ સોસાયટીએ તેમની અંતિમ રજૂઆતમાં પોસ્ટે હોપ ડાયમંડ સાથેના તેના અનન્ય સંબંધ વિશે પ્રેમપૂર્વક વાત કરી હતી.
પોસ્ટે કહ્યું કે, સ્મિથસોનિયનમાં કામ કરવાની એક ખાસિયત એ છે કે હોપ ડાયમંડને માત્ર પકડી રાખવાની અને જોવાની જ નહીં, પરંતુ તેનો અભ્યાસ કરવાની પણ તેને વૈજ્ઞાનિક દૃષ્ટિકોણથી જાણવાની તથા તેના ઇતિહાસ વિશે વધુ શીખવાની તક મળે છે.
પોસ્ટે એ વાત પર ભાર મૂક્યો કે કેવી રીતે સ્મિથસોનિયનનું કલેક્શન વૈજ્ઞાનિક સંશોધનને સમર્થન આપે છે, જે લગભગ ચાર દાયકા પહેલા જ્યારે તેણે તેની કારકિર્દીની શરૂઆત કરી ત્યારથી તે અકબંધ છે. પોસ્ટે વધુમાં કહ્યું કે, અમે આ ખનિજ નમૂનાઓમાંથી શીખવાનું ચાલુ રાખીએ છીએ. અમે જે પ્રકારના પ્રશ્નો પૂછતાં હતા, અમે જે પ્રકારની તકનીકોનો ઉપયોગ કરતા હતા તે હાલ કરતા તદ્દન અલગ હતા.
પોસ્ટે વધુમાં જણાવ્યું હતું કે આ ખનિજો હાલમાં આબોહવા પરિવર્તન, ટકાઉપણું અને પૃથ્વી પર જીવનની શરૂઆત કેવી રીતે થઈ તે સંબંધિત મહત્વપૂર્ણ પ્રશ્નોના જવાબ આપવામાં મદદ કરે છે. તેથી અમે હંમેશા ખનીજ પર પાછા જઈએ છીએ અને તેમને નવી રીતે પૂછપરછ કરીશું અને નવા પ્રશ્નો પૂછીશું. તે હંમેશા એટલા માટે હશે કે સંગ્રહને વધવાની જરૂર છે અને તે ત્યાં હોવું જરૂરી છે કારણ કે આપણે હંમેશા કંઈક નવું શીખવા માટે ખનિજો તરફ પાછા ફરીશું. પોસ્ટને રત્ન વારસો પર ગર્વ છે જે તે પાછળ છોડી રહ્યો છે.
______________________________________________________
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM
