DIAMOND CITY NEWS, SURAT
ટિફની એન્ડ કંપનીએ બુધવારે તેના નવા નવીનીકરણ કરાયેલા ન્યૂયોર્ક સિટી ફ્લેગશિપ પર અનાવરણ કર્યું હતું, જે તેના માલિક, વિશ્વના સૌથી મોટા લક્ઝરી ગ્રુપ LVMH દ્વારા ગોઠવવામાં આવેલા વ્યાપક બ્રાન્ડ રીસેટનું કેન્દ્રસ્થાન છે.
“વન્ડર વુમન” ફિલ્મની અભિનેત્રી ગેલ ગેડોટે વહેલી સવારે રિબન કાપવાના સમારંભની અધ્યક્ષતા કરી હતી, જેમાં ટિફનીના સીઇઓ એન્થોની લેડ્રુ અને એલેક્ઝાંડ્રે આર્નોલ્ટ, પ્રોડક્ટ અને કોમ્યુનિકેશનના એક્ઝિક્યુટિવ વાઈસ પ્રેસિડેન્ટ સાથે હતા.
અધિકારીઓએ રિબન કાપી હતી, જેને ફિફ્થ એવન્યુ સ્ટોર પર આવેલા લોકોએ તાળીઓના ગડગડાટથી વધાવી તેમને લીધા હતા.
ડાયમંડ અને સ્ટર્લિંગ સિલ્વર જવેલરી માટે દુનિયાભરમાં જાણીતી Tiffany & Co.એ એક નિવેદનમાં જણાવ્યું છે કે 57મી સ્ટ્રીટ અને ફિફ્થ એવન્યુ પરનો તેનો આઇકોનિક ફ્લેગશિપ સ્ટોર, જે હવે “ધ લેન્ડમાર્ક” તરીકે ઓળખાય છે, તે એપ્રિલ 2023 દરમિયાન તેના દરવાજા ફરીથી ખોલશે. મેનહટનના સૌથી મોટા સ્ટોર્સમાંના એક, લેન્ડમાર્કને કસ્ટમ આર્ટવર્ક દ્વારા વ્યાખ્યાયિત કરવામાં આવશે. અગાઉ ક્યારેય ન જોયેલા ઝવેરાત અને ડિજિટલ ટેક્નોલૉજી સાથેનું ડિસ્પલે જોવા મળશે.
લેન્ડમાર્ક એ લક્ઝરી જ્વેલર દ્વારા 1940માં પ્રથમ વખત તેના દરવાજા ખોલ્યા ત્યારથી પહેલી વખત સ્ટોરનું સંપૂર્ણ રિનોવેશન કરવામાં આવ્યું છે. મતલબ કે 83 વર્ષ પછી સ્ટોરના રંગ રૂપ બદલાયા છે. બિલ્ડિંગની પ્રતિષ્ઠિત મૂળ રચનાને સન્માન આપતા, તેની ઍટલાસ પ્રતિમા અને ફરતા દરવાજાની ઉપરની ઘડિયાળ સાથેના પ્રિય મુખ્ય દ્વારને તેની મૂળ ડિઝાઈનને માન આપવા માટે નવિનીકરણ કરવામાં આવ્યું હતું. જ્યારે આંતરિક અજાયબીઓની નવી દુનિયામાં સંપૂર્ણપણે ફરીથી કલ્પના કરવામાં આવી છે.
Tiffany & Co.ના પ્રમુખ અને CEO Anthony Ledruએ જણાવ્યું હતું કે, પ્રતિષ્ઠિત ફિફ્થ એવન્યુ લેન્ડમાર્કનું પુનઃ ઉદઘાટન એ અમારા હાઉસ માટે એક મુખ્ય સીમાચિહ્નરૂપ છે. Tiffany & Co. માટે નવા યુગનું પ્રતીક, લેન્ડમાર્ક જ્વેલરી સ્ટોર કરતાં ઘણું વધારે છે. તે આર્કિટેક્ચર અને શ્રેષ્ઠ હોસ્પિટાલિટી તેમજ અદ્યતન કલા અને ડિઝાઇનના ઉત્કૃષ્ટ પ્રદર્શન સાથેનું સાંસ્કૃતિક કેન્દ્ર છે.તે વૈશ્વિક સ્તરે લક્ઝરી રિટેલ માટે એક નવો બૅન્ચમાર્ક સેટ કરે છે.
______________________________________________________
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM
