સિગ્નેટની માલિકીની Rocksboxએ ભાડાની સેવાને સેકન્ડહેન્ડ જ્વેલરી પ્લેટફોર્મ તરીકે સુધારી દેવામાં આવી છે. તેની ઓફરિંગને વધુ સુલભ બનાવવા અને વધુ ગ્રાહકોને આકર્ષવા માટે સબસ્ક્રિપ્શન-આધારિત જ્વેલરી-ભાડાની સેવામાંથી તેના બિઝનેસ મોડલને સેકન્ડ હેન્ડ ઈ-કોમર્સ સાઇટમાં બદલી છે.
સિગ્નેટ જ્વેલર્સની માલિકી ધરાવતા બેનરે સોમવારે જણાવ્યું હતું કે, આ અઠવાડિયે ઓનલાઈન શોપ તરીકે ખુલેલી કંપનીએ ગ્રાહકો દ્વારા ભાડે આપેલા દાગીના ખરીદવાની માંગમાં વધારો નોંધાવ્યો છે. 2023માં Rocksbox દ્વારા હાથ ધરવામાં આવેલા સર્વેક્ષણમાં જાણવા મળ્યું છે કે તેના 78 ટકા ગ્રાહકો સેકન્ડહેન્ડ જ્વેલરી ખરીદવામાં રસ ધરાવતા હતા. કંપની ઓગસ્ટ સુધી હાલના સબ્સ્ક્રિપ્શન્સનું સન્માન કરશે.
કંપનીએ જણાવ્યું કે,અમે જોયું છે કે ગ્રાહકો દાગીનાની સંપૂર્ણ ખરીદી કરવામાં અને તેને તેમના કલેક્શનમાં વધારો કરવા વધુ ને વધુ રસ ધરાવે છે ખાસ કરીને સ્ટાઇલ કે જે પૂર્વ-માલિકીની અને ડિઝાઇનર્સની છે જે તેમના મૂલ્યોનું પ્રતિનિધિત્વ કરે છે તે ખરીદવામાં વધારે રસ ધરાવે છે. મતલબ કે ગ્રાહકોને સેકન્ડ હેન્ડ પણ સ્ટાઇલ અને ડિઝાઇનર્સ વેલ્યુ વાળી જ્વેલરી ખરીદવી છે.
અમે એ પણ જોયું છે કે સબ્સ્ક્રિપ્શન રેન્ટલ મોડલ એવા કેટલાક ગ્રાહકો માટે અવરોધ બની શકે છે કે જેઓ Rocksbox જ્વેલરીમાં રસ ધરાવે છે પરંતુ માસિક સબ્સ્ક્રિપ્શન ફી પરવડી શકે તેમ નથી.
કંપનીએ 2012માં ડિઝાઈનર વસ્તુઓ માટે સબસ્ક્રિપ્શન-આધારિત જ્વેલરી રેન્ટેલ બિઝનેસની તરીકે શરૂઆત કરી હતી. સિગ્નેટે 2021માં તેની સેવાઓને વિસ્તારવા અને નાના ગ્રાહકો સુધી પહોંચવાના લક્ષ્ય સાથે તેના જૂથમાં રોકબોક્સને સામેલ કર્યું હતું.
ગયા વર્ષે, સિગ્નેટે તેના Zales બેનર પર લેબગ્રોન ડાયમંડ જ્વેલરી માટે ભાડાની પહેલ શરૂ કરવા માટે Rocksbox સાથે જોડાણ કર્યું હતું. કંપનીએ જાહેર કર્યું નથી કે આ પ્રોગ્રામ હજુ પણ ચાલુ રહેશે કે કેમ કે Rocksbox હવે જ્વેલરી-ભાડાની સેવા ઓફર કરતું નથી.
______________________________________________________
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube
