રશિયા-યુક્રેન યુદ્ધ પછી અમેરિકાએ મુકેલા આર્થિક પ્રતિબંધ છતા ડાયમંડ માઇન્સ કંપની અલરોઝાએ મજબુત વેચાણ નોંધાવ્યું છે. પ્રતિબંધોથી પ્રભાવિત અલરોઝાએ 2023 ના પ્રથમ છ મહિનામાં હીરાનું વેચાણ વર્ષ અગાઉના સ્તરે રાખ્યું હતું, રશિયન કંપનીએ સોમવારે જણાવ્યું હતું કે તેણે યુક્રેન પર મોસ્કોના 2022 આક્રમણ પછી પ્રથમ વખત નાણાકીય પરિણામોની જાહેરાત કરી છે.
હીરાની નિકાસમાંથી આવક ઘટાડવા અને વિશ્વની સૌથી મોટી ઉત્પાદક કંપની અલરોઝા પર હાલના પ્રતિબંધોને લંબાવવાના વોશિંગ્ટનના પ્રયાસો, ગ્રુપ ઓફ સેવન (G7) દેશોના નેતાઓ વચ્ચે ચર્ચાનો વિષય બન્યા છે.
ચાલુ નાણાકીય વર્ષના પહેલા 6 મહિનામાં અલરોઝાની આવક કુલ 188.2 બિલિયન રુબલ્સ (1.9 બિલિયન ડોલર) હતી, જે જાન્યુઆરીથી જૂન 2022ની સરખામણી 0.2 ટકા અને 2021ના પહેલાં 6 મહિનાની સરખામણીએ 3.5 ટકા વધારે છે. ચોખ્ખો નફો વાર્ષિક ધોરણે 35 ઘટીને 55.6 અબજ રુબલ્સ થયો છે.
ડાયમંડ એનાલિસ્ટ Paul Zimniskyએ જણાવ્યું હતું કે, 2023ના મધ્ય સુધી, તકવાદી હીરા મઝધારના સહભાગીઓએ પ્રતિબંધોની અસરોને ટાળવા માટે ટ્રેડિંગ મિકેનિઝમ્સ વિકસાવી છે, ખાસ કરીને કારણ કે તે યુએસ ડોલરમાં રશિયન હીરાના વેપાર સાથે સંબંધિત છે.
એપ્રિલ 2022માં, અમેરિકાએ તેની બેંકિંગ સિસ્ટમમાંથી અલરોઝાને બહાર કરી નાંખ્યુ હતું અને US માર્કેટમાં સીધા વેચાણ પર પ્રતિબંધ મૂકી દીધો હતો. યુરોપિયન યુનિયને 2022માં 1.4 બિલિયન યુરો (1.5 બિલિયન ડોલર) મૂલ્યના રશિયન હીરા ખરીદ્યા કારણ કે તેણે ન તો રશિયન હીરાની આયાત પર પ્રતિબંધ મૂક્યો છે કે ન તો અલરોઝા પર.
Paul Zimniskyએ કહ્યું કે, અત્યાર સુધી એવું છે કે, જો રશિયાની બહાર રશિયન ડાયમંડ કટ એન્ડ પોલિશ્ડ થાય છે તો તેને પણ રશિયન ડાયમંડ તરીકે જ ગણવામાં આવે છે.
જ્યારે કેટલાક G7 દેશોએ રશિયન હીરા પર પ્રતિબંધો માટે હાકલ કરી છે, જ્યારે બેલ્જિયમ સહિત અન્ય લોકોને ચિંતા છે કે તેઓ વેપારને અન્ય કેન્દ્રો તરફ વાળશે અને વિશ્વના નંબર વન એન્ટવર્પથી દૂર જશે.
G7 એ મે મહિનામાં કહ્યું હતું કે તે ટ્રેસિંગ ટેક્નોલૉજી સહિત રશિયન હીરાના વેપારને પ્રતિબંધિત કરવા માટે કામ કરવાનું ચાલુ રાખશે.
Paul Zimnisky અપેક્ષા રાખે છે કે, G7 એવી યોજના તૈયાર કરશે જે 2023ના અંતમાં અથવા 2024ની શરૂઆતમાં રશિયન હીરાના વૈશ્વિક પ્રવાહને અસર કરશે. તેમણે આગળ કહ્યું કે,હીરા ઉદ્યોગ પાસે આ બધું પચાવવાનો સમય છે, તેથી જો કે મને પુરવઠાના બાકી રહેલા આંચકાની અપેક્ષા નથી, હું જોઉ છું કે મધ્યમ ગાળામાં હીરાની સપ્લાય ચેઇન મૂળભૂત રીતે બદલાઈ રહી છે.
G-7 દેશોમાં કેનેડા, ફ્રાન્સ, જર્મની, ઇટાલી, જાપાન, UK અને USનો સમાવેશ થાય છે.
ડાયમંડ પ્રોડકશન અને સંશાધનની દ્રષ્ટ્રીએ રશિયાની અલરોઝાએ દુનિયાની અગ્રણી ડાયમંડ માઇનીંગ એન્ટરપ્રાઇસ છે. કંપની ભૂસ્તરશાસ્ત્રીય સંશોધન, ખાણકામ, રફ હીરાના વેચાણ, હીરાની કટિંગ અને પોલિશિંગ પર ધ્યાન કેન્દ્રિત કરે છે. ALROSA રિપબ્લિક ઓફ સાખા (યાકુટિયા) અને રશિયામાં Arkhangelskમાં ડાયમંડ માઇનીંગનું કામ કરે છે.
અમેરિકાના અલરોઝા પરના પ્રતિબંધને કારણે સુરતના હીરાઉદ્યોગકારો ભારે મુશ્કેલીનો સામનો કરી રહ્યા છે, કારણ કે સુરતના ડાયમંડ ઉદ્યોગમાં અંદાજે 30 ટકા જેટલા રફ ડાયમંડ અલરોઝથી આવે છે.
______________________________________________________
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM
