DIAMOND CITY NEWS, SURAT
GJEPCના રિસર્ચ વિભાગે તાજેતરમાં જ ભારતની જેમ્સ અને જ્વેલરીની અમેરિકામાં નિકાસ વધારવા માટેની વ્યૂહરચના શોધવા માટે વેબિનારનું આયોજન કર્યું હતું. વેબિનારમાં ઉદ્યોગના નિષ્ણાતો, બજાર વિશ્લેષકો અને અગ્રણી નિકાસકારો હાજર હતા અને યુએસ માર્કેટમાં મુખ્ય તકો અને પડકારોને પ્રકાશિત કર્યા હતા.
GJEPCના આસિસ્ટન્ટ ડિરેક્ટર અને અર્થશાસ્ત્રી ડો. રશ્મિ અરોરાએ ભારતીય નિકાસકારો માટે યુએસ માર્કેટના મહત્વ પર પ્રકાશ પાડ્યો હતો, જે કૂલ જ્વેલરી નિકાસમાં મોટો હિસ્સો ધરાવે છે. તેમણે કહ્યુ,મજબૂત અર્થતંત્ર, વૈવિધ્યસભર ઉપભોક્તા પસંદગીઓ અને વધી રહેલા ભારતીય પ્રવાસીઓ સાથે, યુ.એસ. વૃદ્ધિની અપાર સંભાવનાઓ પ્રદાન કરે છે.
આ વેબિનારમાં ડલાસ પ્રિન્સ ડિઝાઈન્સના ડિઝાઈનર અને ટેલિવિઝન પર્સનાલિટી ડલાસ પ્રિન્સ, એની ફાઇન જ્વેલરીના પ્રોફેશનલ જ્વેલરી ડિઝાઈનર અને ફાઉન્ડર એની ખાચિયાન, જ્વેલ કોચર LLCના ફાઉન્ડર અને ક્રિએટીવ મિઆ કેટરીન અને જિલિયન સેમ્યુઅલ્સ જ્વેલરીના જિલ બોર્ગડીંગ ગેસ્ટ સ્પીકર તરીકે હાજર રહ્યા હતા, તેમણે પ્રેઝેન્ટેશન અને ઊંડી સમજણથી પ્રશ્ન અને જવાબ સત્ર દ્વારા યુ.એસ.માં ઊભરતા કન્ઝયુમર વલણોને સમજવા અને અપનાવવા અંગેના તેમના મૂલ્યવાન જ્ઞાનને શેર કર્યું હતું.
આ ટ્રેન્ડમાં વ્યક્તિગત અને કસ્ટમાઇઝ કરી શકાય તેવા પીસીસ વધતી માંગ, ટકાઉ અને નૈતિક સોર્સિંગ પર ભાર, ન્યૂનતમ ડિઝાઈન માટે પસંદગી અને ટેક્નોલૉજી-ઇન્ટિગ્રેટેડ જ્વેલરીમાં વધતી જતી રુચિનો સમાવેશ થાય છે.
વક્તાઓએ યુએસ માર્કેટમાં અસરકારક રીતે પ્રવેશ કરવા માટે ઘણા વ્યૂહાત્મક અભિગમો સૂચવ્યા. તેમાં ડિઝાઈન ઈનોવેશન, ઓનલાઈન હાજરીને મજબૂત બનાવવી, મજબૂત બ્રાન્ડ નેરેટિવ્સ બનાવવા, ગુણવત્તાના ધોરણો સુનિશ્ચિત કરવા, વ્યૂહાત્મક સહયોગ, ટેક્નોલૉજીનો લાભ ઉઠાવવો અને સસ્ટેનીબિલીટીને અપનાવવું સામેલ છે.
ગ્રાહકોની પસંદગીઓ સાથે જોડાઈને, ટેક્નોલૉજીનો લાભ લઈને અને ટકાઉપણું અપનાવીને, ભારતીય જેમ્સ અને જ્વેલરી નિકાસકારો ભારતને યુએસ માર્કેટમાં વૈશ્વિક લીડર તરીકે સ્થાન આપી શકે છે. બજારની સંભવિતતાનો ઉપયોગ કરવા અને આર્થિક વૃદ્ધિને આગળ વધારવા માટે સહયોગ, નવીનતા અને ગ્રાહક-કેન્દ્રિત અભિગમ જરૂરી રહેશે.
______________________________________________________
Disclaimer : This information has been collected through secondary research and Diamond City Newspaper is not responsible for any errors in the same.
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM | WhatsApp | YouTube
