DIAMOND CITY NEWS, SURAT
દુનિયાના સૌથી મોટા ઓફિસ બિલ્ડીંગ સુરત ડાયમંડ બુર્સ જેમની પહેલ, જેમના સપનાના કારણે સાકાર થયું અને જેને દેશના પ્રધાનમંત્રી નરેન્દ્ર મોદી 17 ડિસેમ્બર 2023ના દિવસે ખુલ્લું મુકવાના છે તે કિરણ જેમ્સના ચૅરમૅન વલ્લભભાઇ લખાણી વિશે ડાયમંડ સિટીની વ્યક્તિ વિશેષ કોલમમાં વાત કરીશું.
માત્ર 4 ચોપડી ભણેલો માણસ પોતાની દીર્ઘદ્રષ્ટિ, આકરી મહેનતથી દુનિયાનું પ્રતિષ્ઠિત એમ્પાયર ઊભું કરી શકે છે અને ઇન્ડસ્ટ્રીઝને ઊંચાઈએ પહોંચાડવા સુરત ડાયમંડ બુર્સ બનાવી શકે છે તેનું વલ્લભભાઇ ઉત્તમ ઉદાહરણ છે. તેમણે પોતાની કંપનીને તો એક ઉંચાઇએ પહોંચાડી, પરંતુ 50,000 લોકોને રોજગારી પુરી પાડીને તેમના જીવન ધોરણમાં સુધારો કર્યો, સામાજિક ક્ષેત્રે તેમણે કિરણ હોસ્પિટલ માટે 52 કરોડ રૂપિયા અને સુરત ડાયમંડ ઍસોસિયેશન સંચાલિત મેડિકલ કોલેજ માટે 25 કરોડનું દાન આપીને તેમના ઉદાર દાનવીર તરીકેનો પણ પરિચય આપ્યો છે.
વલ્લભભાઈ લખાણીનો ઉછેર ગામડામાં થયો અને તેઓ ખેડૂત પરિવારનું બેકગ્રાઉન્ડ ધરાવે છે. આજે તેમણે ભારતમાં એક કંપની બનાવી જે હીરાના કટિંગ અને પોલિશિંગમાં વિશ્વભરમાં સૌથી મોટી છે સુરત ડાયમંડ બૂર્સની રચના પાછળ તેઓ મુખ્ય પ્રેરક બળ છે.
વલ્લભભાઇ લખાણીએ પોતાના જીવન વિશે વાત કરતા કહ્યું હતું કે, 1971માં મેં ભાવનગરમાં હીરાનો વેપાર શરૂ કર્યો. મેં 7 વર્ષથી હીરાના કારખાનામા કટિંગનું કામ કર્યું. હું ચાર ચોપડી જ ભણ્યો છું. ચોમાસાની ઋતુમાં પરિવાર સાથે ખેતી કરતો.
1978માં મેં એક નાનો બિઝનેસ કરવાનો પ્રયાસ કર્યો પરંતુ નુકસાન અને દેવું સહન કરવાનો વારો આવ્યો. તે સમયે મારા પિતાના સપોર્ટથી મજબૂત બન્યો અને ખૂબ જ ઝડપથી મારું દેવું ચૂકવી શક્યો. ત્યારથી, ભગવાનની કૃપાથી, અમે સતત પ્રગતિ કરી રહ્યા છે. આજે સમગ્ર અનુભવ મારા માટે એક લેસન સમાન છે.
મારા ગ્રુપમાં આજે મારા ચાર ભાઈઓ અને આગામી પેઢીના છ પુત્રો છે જેઓ તમામ બિઝનેસમાં છે. મૂલ્યો, પ્રમાણિકતા અને નૈતિકતા એ અમારા માઇલ સ્ટોન છે. અમારી કંપની છેલ્લા 13 વર્ષથી અમારા ઉદ્યોગમાં સૌથી વધુ ટેક્સ ચૂકવી રહી છે. છેલ્લા ચાર વર્ષથી અમારી પાસે 50,000 કર્મચારીઓની સંખ્યા છે. બજારમાં અમારી મજબૂત પ્રતિષ્ઠા છે.
તેમણે આગળ કહ્યું કે,1982માં હું પરિવાર સાથે ભાવનગરથી બોમ્બે શિફ્ટ થયો. મારું પહેલું પોતાનું રહેઠાણ બોરીવલી ખાતે હતું અને 10 વર્ષની ટ્રેનની મુસાફરીએ મને શીખવ્યું કે કારીગર વર્ગના લોકો કેવી રીતે તેમનું જીવન જીવે છે. 2015માં અમે, ઉદ્યોગના લોકોના નાના જૂથે, સુરત ડાયમંડ બૂર્સની કલ્પના કરી ત્યારે આ અનુભવ મનમાં મુખ્ય વિચાર હતો. મુંબઈમાં રહેવાની અને કામ કરવાની જગ્યાઓની કિંમત, મુસાફરી અને જીવનના પડકારો આ બધા સુરતને કોઈપણ દિવસે વધુ સારો વિકલ્પ બનાવે છે.
મેં પુરતું શિક્ષણ મેળવ્યું નથી એટલે મને ખબર છે કે જિંદગીમાં શિક્ષણનું મહત્ત્વ કેટલું છે…
એક સારા મનુષ્યની રચના માટેનો આધાર છે. શિક્ષિત લોકો પાસે વધુ તકો હોય છે અને તેથી તેમની પાસે ગુના માટે ઓછા કારણો હોય છે. મેં મારા ગામની શાળામાં બે રૂમ બાંધવાના હતું, જેની કિંમત રૂ. 25,000 હતી તેના માટે દાન આપ્યું હતું. જો આપણે સમગ્ર જૂથની પ્રવૃત્તિ પર નજર કરીએ તો, ભાવનગરમાં એક શાળા શરૂ થઈ છે જેમાં 11,000 વિદ્યાર્થીઓ છે. સુરત હોય, મુંબઈ હોય, અમદાવાદ હોય, અમે ક્ષમતા પ્રમાણે નાણાકીય દ્રષ્ટિએ યોગદાન આપે છે.
વલ્લભભાઇ લખાણી એક ઉદ્યોગકાર, સમાજસેવક, દાનવીર અને ડાઉન ટૂ અર્થ વ્યકિતત્ત્વ ધરાવે છે.
સુરતમાં ડાયમંડ બુર્સશરૂ કરવું જોઇએ તેના માટે 70 ટકા વેપારી સંમત થયા અને 30ને શંકા હતી. ઇવન મારા પરિવારે પણ શરૂઆતમાં સુરત શિફ્ટ થવાને સમર્થન આપ્યું ન હતું. તેથી, હું ડાયમંડ બૂર્સના ફાઉન્ડેશનની આ પહેલનું નેતૃત્વ કરવામાં ખચકાટ અનુભવતો હતો. પછી વેપારના મારા મિત્રો મારા પરિવાર સાથે ચર્ચામાં જોડાયા, અને મારા પરિવારને ખાતરી થઈ. મારી કંપની સુરતમાં શિફ્ટ થનારી સૌપ્રથમ હતી અને તે રીતે જ આ વિચારમાં વિશ્વાસ ઊભો થયો.
ત્યારે હું લોકોને સામેલ કરી શકતો હતો. સમિતિઓની રચના કરવામાં આવી, જમીનની શોધખોળનું આયોજન કરવામાં આવ્યું. સરકારનો ડ્રીમ સિટી પ્રોજેક્ટ એક આદર્શ સ્થળ જેવો લાગતો હતો અને જ્યારે અમે 2016માં CM આનંદીબેન પટેલને મળ્યા ત્યારે અમને તરત જ જમીન ફાળવવામાં આવી હતી. આ બાબતમાં તેઓનો સહયોગ જબરદસ્ત રહ્યો હતો.
લખાણીએ કહ્યું કે, અમે દેશના પ્રધાનમંત્રી નરેન્દ્ર મોદી જ્યારે ગુજરાતના મુખ્યમંત્રી હતા ત્યારે તેમની સાથેની મુલાકાતમાં તેઓ હંમેશા કહેતા કે તમે લોકો દુનિયાભરમા કટિંગ એન્ડ પોલીશીંગમાં મોખરે છો તો ડાયમંડ ટ્રેડીંગ પણ સુરતમાં જ થાય તેના માટે કેમ નથી વિચારતા? PM મોદી ડાયમંડ ઉદ્યોગને હંમેશા પ્રોત્સાહન આપતા આવ્યા છે. આજે સુરત ડાયમંડ બુર્સ ઊભું થયું છે તે એમને પણ આભારી છે.
બાળપણમાં બિમાર થતા ત્યારે પૈસા નહોતા એટલે હોસ્પિટલને 150 કરોડનું દાન આપ્યું
સુરતના કતારગામ વિસ્તારમાં પાટીદાર સમાજના અગ્રણીઓ કિરણ હોસ્પિટલ બનાવવા માટે વિચારણા કરી રહ્યા હતા અને એક કાર્યક્રમ રાખવામાં આવ્યો હતો, જેમાં કિરણ જેમ્સના વલ્લભભાઇ લખાણીએ 52 કરોડ રૂપિયાનું દાન આપવાની જાહેરાત કરી હતી.
તે વખતે લખાણીએ કહ્યું હતું કે, પરિવારની આર્થિક સ્થિતિ બાળપણના સમયે સારી નહોતી અને હું મહિને માત્ર 300 રૂપિયા કમાતો હતો. પરિવારમાં કોઇ બિમાર પડે તો દવા લેવાનાં પણ અમારી પાસે પૈસા નહોતા, ખૂબ મુશ્કેલી પડતી હતી એ વાત ખુંચતી હતી. તે વખતે જ મનમાં સંકલ્પ કર્યો હતો કે જો જિંદગીમાં સારી કમાણી થશે તો એક સારી હોસ્પિટલમાં દાન આપીશ. 52 કરોડ રૂપિયાનું દાન આપી દેવું એ ખાવાના ખેલ નથી, પરંતુ વલ્લભભાઇની ઉદારતા જ એવી છે.
આ ઉપરાંત જ્યારે કિરણ હોસ્પિટલને ફંડની જરૂર હતી ત્યારે વલ્લભભાઇએ બીજા 15 કરોડ રૂપિયા દાન આપ્યા હતા. તેમણે સુરત ડાયમંડ ઍસોસિયેશને જ્યારે મેડિકલ કોલેજ અને બનાવવાની વાત થઇ તો એમાં પણ તેમણે કોઇ પણ જાતનાં ખચકાટ વગર પોતાની 23 વિંઘા જમીન દાનમાં આપી જેની આજની તારીખે માર્કેટ વૅલ્યુ લગભગ 48 કરોડ રૂપિયા જેટલી છે. એટલું જ નહીં. પરંતુ સુરત ડાયમંડ એસોસિયેશની મેડિકલ કોલેજ અને હોસ્પિટલ કિરણ-2 માટે એમણે 36 કરોડ રૂપિયા અલગથી દાનમાં આપ્યા. તમે જુઓ કે એક માણસે હોસ્પિટલ માટે 150 કરોડ રૂપિયાથી વધુનું દાન આપી દીધું.
KIRAN GEMS એ નેચરલ ડાયમન્ડ્સનું વિશ્વનું સૌથી મોટી મેન્યુફેકચરીંગ કંપની છે
કિરણ જેમ્સ પ્રાઇવેટ લિમિટેડ એ ડી બીયર્સ ગ્રૂપના સાઈટહોલ્ડર અને રિસ્પોન્સિબલ જ્વેલરી કાઉન્સિલ (RJC)ના પ્રમાણિત સભ્ય છે. KIRAN GEMS એ નેચરલ ડાયમન્ડ્સનું વિશ્વનું સૌથી મોટું ઉત્પાદક અને ભારતનું પ્રિમિયર ડાયમેન્ટેર છે, જે માત્ર કામગીરીના સંપૂર્ણ ધોરણ માટે જ નહીં, પરંતુ ઉત્પાદનની ગુણવત્તા, ચોકસાઈ અને વિવિધતા, ટેકનોલોજીના એકીકરણ, ઉત્પાદન અને વ્યાપક સામાજિક જવાબદારી માટે પણ બેન્ચમાર્ક સ્થાપિત કરે છે.
આજના જાયન્ટની સાધારણ શરૂઆત હતી, પરંતુ વલ્લભભાઈ પટેલ, બાબુભાઈ પટેલ અને માવજીભાઈ પટેલ દ્વારા તેની સ્થાપના કરવામાં આવ્યા પછી તે ઝડપથી વિકસ્યું. 1985માં, તેણે હીરાના ઉત્પાદનની કામગીરી શરૂ કરી, અને ત્યારથી ભારતમાં અને વૈશ્વિક સ્તરે સતત વિસ્તરણ થઈ રહ્યું છે, જેમાં પ્રોડક્ટ ઓફરિંગની શ્રેણી તેમજ ગુણવત્તા અને સેવા બંનેની દ્રષ્ટિએ પ્રગતિ થઈ છે. સતત બદલાતાં વાતાવરણની જરૂરિયાતો સાથે અનુકૂલન સાધવાની, વિકાસ કરવાની ઈચ્છાથી ધંધામાં સફળતા પ્રાપ્ત થાય છે. આ અભિગમ કંપનીના દાર્શનિક દૃષ્ટિકોણમાં ઊંડે ઊંડે જડાયેલો છે, અથવા આપણે જીવનશૈલી કહીએ.
વિશ્વાસ, અખંડિતતા, નીતિશાસ્ત્ર એ કિરણે સ્થાપિત કરેલા સેટઅપના પાયાના પથ્થરો છે અને પાંચ Ps – સિદ્ધાંત, જુસ્સો, ભાગીદારી, પ્રગતિ અને પ્રદર્શન – તેની સફળતાના માર્ગદર્શક સૂત્રો છે. આજે, કિરણ ગ્રુપ મુંબઈ, સુરત, યુએઈ અને યુએસએમાં તેની ઓફિસો, ટ્રેડિંગ અને મેન્યુફેક્ચરિંગ યુનિટ ધરાવે છે.
આ ગ્રુપ પાસે સંખ્યાબંધ વિશિષ્ટ ઉત્પાદન એકમો છે અને તે હીરા ઉદ્યોગમાં અદ્યતન હાઈ-ટેક મેન્યુફેક્ચરિંગ સિસ્ટમનો સૌથી મોટો ઉપયોગકર્તા છે. તે 3.00 કેરેટ સુધીના તમામ આકાર, રંગો, સ્પષ્ટતા અને કદમાં રાઉન્ડ અને ફૅન્સી બંનેનું ઉત્પાદન અને નિકાસ કરે છે. પોલિશ્ડ માલની બહોળી શ્રેણી ઓફર કરવાની અને દરેક મોરચે ઉચ્ચતમ ધોરણો પ્રદાન કરવાની ક્ષમતાએ અમને લાંબા ગાળાના સંબંધો બનાવવામાં મદદ કરી છે.
આજે અમારા 90% ગ્રાહકો પુનરાવર્તિત ગ્રાહકો છે, જેમના માટે કિરણ, તેની વિશાળ ઇન્વેન્ટરી સાથે, લગભગ દરેક જરૂરિયાતો માટે ‘વન-સ્ટોપ શોપ’ તરીકે કાર્ય કરે છે. ઉત્કૃષ્ટ ટેક્નોલૉજી સાથે મેળ ખાતી અને જથ્થા અને ગુણવત્તા બંને પ્રદાન કરવાની આ પ્રતિબદ્ધતા છે જેણે કિરણ જેમ્સને આજે વૈશ્વિક લીડર બનાવ્યા છે.
મુંબઇથી સુરત આવેલા સ્ટાફ માટે SDB નજીક 1200 ફલેટ બનાવ્યા
વલ્લભભાઇ લખાણીએ એક વખત કહેલું કે, આજે કંપની દુનિયામાં અગ્રણી સ્થાને ઊભી છે તો તેમાં કિરણ જેમ્સના કર્મચારીઓનો પણ મોટો ફાળો છે. હવે જ્યારે સુરત ડાયમંડ બુર્સબની રહ્યું છે ત્યારે મુંબઈ ઓફિસને ટોટલી બંધ કરીને 1200 કર્મચારીઓ સુરત આવવાના છે, તો તેમના માટે SDBથી 5 મિનિટના અંતરે 1200 ફલેટ તૈયાર કરાયા છે અને તેની ચાવી 21 નવેમ્બર 2023ના દિવસે કર્મચારીઓને આપવામાં આવી હતી. વલ્લભભાઇએ કહેલું કે, મુંબઈની લોકલ ટ્રેનની ભીડમાંથી કર્મચારીઓની મુશ્કેલી દુર થશે અને ફેમિલીને ક્વોલિટી ટાઇમ આપી શકશે.
મુંબઇના ભારત ડાયમંડ બુર્સ સાથે કોઇ પ્રતિર્સ્પધા કે દુશ્મનાવટ નથી
કિરણ જેમ્સ કટિંગ અને પોલિશિંગ સેગમેન્ટમાં વિશ્વભરની સૌથી મોટી કંપની છે. ભારતમાં, તે તેના ઉદ્યોગમાં સૌથી વધુ ટર્નઓવર, સૌથી વધુ માનવશક્તિ અને સૌથી વધુ કરદાતા ધરાવતી કંપની છે. જો તમે કોઈપણ સ્પર્ધાની વાત કરો છો, તો મુંબઈના ભારત ડાયમંડ બુર્સ સાથે કોઈ પ્રતિર્સ્પધા કે દુશ્મનાવટ હોઈ શકે નહીં. હીરા માટે વિશ્વનું સૌથી મોટું વૈશ્વિક બજાર અમેરિકા છે, જેમાં ત્રણ બુર્સ છે. છેવટે, આપણે એક જ ઉદ્યોગ છીએ, એક જ પરિવાર છીએ, વિવિધ ક્ષેત્રોમાં કાર્યરત છીએ. મારી જવાબદારી સુરત ડાયમંડ બુર્સ માટે વિકાસની તકોનો ઉપયોગ કરવાની છે. તેમાં, કોઈપણ રીતે, અન્ય લોકો માટે નકારાત્મક વિચારવું અથવા કરવું શામેલ નથી.
Disclaimer : This information has been collected through secondary research and Diamond City Newspaper is not responsible for any errors in the same.
______________________________________________________
ડાયમંડ સિટી પર ગુજરાત, રાષ્ટ્રીય, આંતરરાષ્ટ્રીય, બિઝનેસ સહિતના હીરા ઉદ્યોગના તમામ સમાચાર વાંચો. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
FACEBOOK | TWITTER | TELEGRAM | PINTEREST | LINKEDIN | INSTAGRAM
